Оскуола оҕолоругар бүтүн Арассыыйатааҕы региональнай олимпиада саҕаланна

Таатта улууһуттан сылдьар София Софронова айан-тутан, оҥорбут үлэлэрэ элбэх киһи сэҥээриитин ыллылар. Бу Өксөкү диэн ааттаах көстүүмү айарыгар сыл аҥаара барбыт, сүрүн үлэтэ, болҕомто кынатыгар ууруллубут. Кынаты оҥорорго таайа күүс-көмө буолбут. 

София Софронова, Тааттатааҕы лицей 9-с кылааҺын үөрэнээччитэ: «Бу уобарастары мифологияттан ылбытым. Күүстээх диэн».

Үлэни уонна үөрэҕи ситимнээн оҕону үөрэтии, бу сайдыы биир суола. Үөрэх эйгэтигэр бу хайысхаҕа күрэхтэр, чинчийэр үлэлэр, олимпиадалар куруук ыытыллаллар.

Дария Романова, күрэх дьүүллүүр сүбэтэ: «Үлэлиир хайысхалара араас. Креативнай, графическай, компьютернай технологияны туһаммыт оҕолор кытыннылар. Араас технологияны туһаннылар».

Олимпиадаҕа оҕолор хас да түһүмэҕи ааһаллар. Бырайыактарын  дьүллүүр сүбэҕэ билиһиннэрэн, көмүскээн баран, кэлэр түһүмэххэ сорудаҕынан үлэлииллэр.

Оскар Семёнов, Чөркөөх орто оскуолатын 10-с кылааһын үөрэнээччитэ: «Бастакы түһүмэххэ фрезернай станок аҕалан көрдөрбүтүм, иккискэ ууга устар хараабылы. Технологияҕа хааламмын ону маны оҥорооччум дьарыктана таарыйа».

Аэлита Тимофеева кыра эрдэҕиттэн оҕуруокка чугас, онон буолуо кини чинчийэр үлэтэ күөх үүнээйигэ сыһыаннаах. Кини билигин уонтан тахса араас битэмииннээх, аска туттар күөх эбиликтэри үүннэрэр.

Аэлита Тимофеева, Тааттатааҕы лицей 9-с кылааһын үөрэнээччитэ: «Кыһын киһи битэмиинэ тиийбэт, ол иһин микрозелень олордор буолбутум уонна оскуолаҕа уонна Ытык Күөл иһинэн атыылыыбын».

Мэҥэ Хаҥаластан сылдьар Вадим Птицын 5-с кылаастан ууһанан саҕалаабыт. Бу күрэххэ бэйэтэ чочуйан оҥорбут чорооннорун, остуол аҕалбыт. 

Вадим Птицын, Тумул орто оскуолатын үөрэнээччитэ: «Үҥкүүгэ бассар баар. Оһуор оҥорорго хайа барыан сөп, ону көрүөххэ наада».

Күрэх балаһыанньата, ирдэбилэ кытаанах, оҕо хас да түһүмэҕи ааһар. Онтон түмүк олунньу бүтүүтэ биллиэҕэ.