Тыа сиригэр медициинэ тиэхиникэтин саҥардыы

Бу күннэргэ улуус балыыһаларыгар саҥа массыыналар кэллилэр. Тимир көлө бары медициинэ ирдэбилигэр эппиэттиир тэрилинэн хааччыллыылаах. Онон суһал көмө да массыынатын быһыытынан сүүрүөн сөп, итиэннэ ФЛГ аппараатыгар уонна маммографияҕа тутатына түһэрэр. Маны таһынан, ыраах тайаан сытар нэһилиэктэргэ эми-тому таһыаҕа уонна анализтары хомуйуоҕа. Уопсайа 38 массыына күлүүһүн улуус балыыһаларыгар туттардылар.  

“Биһиги Өлүөхүмэ киин балыыһата икки массыына ыллыбыт. Бу бастакы Нөөрүктээйи уонна Чапаево нэһилиэктэрбитигэр баар врачебнай амбулаторияларбытыгар. Ыарыһахтары таһарбытыгар, эмп-томп илдьэрбитигэр, аҕаларбытыгар, анаалыс таһарбытыгар олус улахан көмөлөөх буолуохтара”, - диэн Өлүөхүмэ улууһун киин балыыһатын кылаабынай бырааһа Анна Гаврильева этэр.

«Автобус биэрдилэр. Ол автобуска турар маммограф диэн аппараат. Онон биһиги искэҥ ыарыылары көрдүүбүт. Уонна тыҥаны көрөр аппараат баар. Иккиэн туспаа киирэр сирдээхтэр, иһигэр кондиционердаах, сылытар оһохтордоох. Кыһыннары-сайыннары ыарыһахтары тиийэн көрөр кыахтанныбыт», - диэн салҕыы П.Н. Сокольников  аатынан Чурапчы улууһун киин балыыһатын кылаабынай бырааһа Николай Сивцев сырдатта.

Тустаах медициинэ тырааныспарын "Доруобуйа харыстабылын бастакы сүһүөҕүн саҥардыы" бырагыраамманан ыллылар. Кэккэ сыл иһигэр уопсайа 250 тахса массыына кэллэ. Билигин бу тиэхиникэ барыта улуустарынан тарҕанан үлэлиир.