Саха сиригэр саахымат спорта төрүттэммитэ 100 сылыгар аналлаах дойду таһымнаах күрэх түмүктэннэ

Саха сиригэр Ил Дархан саахымакка куубага үрдүк таһымнахтык ааста, түмүк таҕыста, кыайыылахтар билиннилэр.  Быйыл бу күрэххэ 12 Арассыыйа регионуттан 140 тахса спортсмен кыттынны ылла. Ол иһигэр 7  гроссмейстер. Онон кыттааччыларга олус долгутуулаах оонньуулар аастылар.

Владимир Егоров, СӨ саахымакка федерациятын президенэ: «Икки уолаттарбыт призовой десяткаҕа киирдилэр 58 киһиттэн. 8-с миэстэни Влад Жирков ылла, 9-с миэстэни Артур Васильев ылла. Ол курдук, биһи оҕолорбут сорох күүстэх саахымаччыттартан инники түстүлэр».

Муус устар 31 күнтэн саҕалаан Мэҥэ Хаҥаласка, Өктөмҥө уонна Дьокуускайга уолаттарга Арассыыйа куубагын түһүмэҕэ, түргэнник онньонор уонна блиц диэн саахымат көрүҥнэрэ аастылар.

Оскуола оҕолоругар үһүс миэстэни кыайбыт Александр Иванов кыра эрдэҕиттэн турнирдарга кыттар. Күн ахсын сарсыарда 7 чааска туран киэһээҥҥигэ диэри бэлэмнэнэр. Кыайыыны ситиһиэххин баҕар буоллаххына күүскэ үлэлиэххэ наада диир. Ол эрэн ханнык баҕар спорт көрүнүгэр  долгутуута суох табыллыбат.

Александр Иванов, оскуола оҕолоругар 3 миэстэ хаһаайына: «Ханнык баҕар успуорт көрүҥэ мэлдьи долгуйуулаах, эмоциялаах буолуохтаах дии саныыбын. Икки гроссмейстеры кытта түбэстим уонна иккитэ тэҥнэстим».

Быйыл кыттааччылар ахсааннарыгар оскуола оҕолоро элбээтилэр. Саамай кыра кыыттааччы 9 саастаах Давид Симонян "Эдэр Эрэл" диэн анал ааты ылла.  Онтон 74 саастаах Александр Якименко "Тыынаах турнир легендата" буолла. Саха сиригэр саахымат спорта сайдарын туһугар быйыл 60-тан тахса тэрээһин ыытыллыахтаах.

Сергей Местников, СӨ бырабыытылыстыба бэрэссэдээтэлин солбуйааччы: «Маннык күрэхтэһиилэр Арассыыйа таһымнаах саахымакка даҕаны, дуобакка даҕаны ыытарбыт хайаан да наадалаах. Оҕолор таһымнара үрдүүр, күрэхтэһиигэ бэлэмнэнии уонна ааттаах-суоллаах спортсменнары кытта оонньооннор тупсаллар».

Күрэххэ кыайыылааҕынан таҕыста Свердловскай уобаластан сылдьар гроссмейстер Дмитрий Кокорев, региоҥҥа маннык үрдүк таһымнаах күрэх ыытылларар бу көрүҥ, спорт быһыытынан сайдарыгар улахан оруоллаах.