Звёзднай түөлбэҕэ элбэх кыбартыыралаах дьиэ холлоҕоһо бүттэ

Улахан кээмэйдээх дьиэ эркиннэрин кран ылан чэпчэкитик уурталыыр. Бэлэм чаастары тутааччылар бэйэ бэйэтигэр холбоон эрэ биэрэллэр. Бу дьиэ тутар кэмбинээт саҥардыллыбыт эркиннэринэн бастакы тутуу бара турар. Биир дьиэ холлоҕоһо номнуо бүппүтүн көрөбүт. Иккиһи тутан саҕалаабыттар.

Бэлэми таҥар буоланнар үлэ тэтимнээхтик барар. Онон 3 дьиэни тэҥинэн ылсан  тута сылдьаллар. Саҥа панель уруккуттан уратыта диэн чараас, ол иһин таһынан эбии бүрүллэр. Онон эрдэтээҥҥи 112 серилаах дьиэлэртэн тас көстүүтэ атын  буолуохтаах. Ону сэргэ дьиэ ис бараана эмиэ кыра уларыйыылаах. Бастакы дьиэни таҥыыга тутааччылар туох да улахан ыарахаттары көрсүбэтэхтэр.

Павел Корнилов, тутуу прораба: «Быдан түргэнник хомуйдубут бу дьиэни. 3 ыйынан бүтэрдибит хоруопкатын. Манна эмиэ оннук барыахтаах. Иккис дьиэбитин саҕалаатыбыт, эмиэ хомуллар панель буолар».

Дьиэ эркиннэрин бүтүннүү тутуу тэлгэһэтигэр таһаллар. Толору тиэниилээх массыыналар тохтоло суох кэлэллэр. Манна үлэ күөстүү оргуйар, хас да биригээдэ тэҥинэн үлэлиир. Ол курдук иккис дьиэ эркинин таҥааччылар, монолит кутааччылар, эркиннэри тиэйээччилэр. тутааччылар бастакы дьиэ кэннэ  илиилэрэ үөрэнэн, халлаан сылыйан өссө тэтимириэхтээхтэр. 

Дьиэни тутар кэмбинээт тохтуу сылдьан баран хаттаан үлэлээбитэ сыл кэриҥэ буолан эрэр. Итиэннэ бастакы оҥорон таһаарыытынан бу "Звезднай" хоҕус түөлбэҕэ 3 дьиэни тутулла сылдьар. Онтон кэмбинээккэ саҥардыы толору бүттэҕинэ, толору кыаҕын ыллаҕына хоту улуустарга уонна чааһынай дьиэлэри тутарга оҥоруохтара.

Александр Силин, "РИА-Строй" тэрилтэ генеральнай дириэктэрин эбээһинэһин быстах кэмҥэ толорооччу: «Еще три дома хранятся на заводе, они в процессе подготовки. В прошлом году завод выпустил 6800 м³ изделий. В этом году 2000 м³ мы перешагнули по февралю. Мы себе ставим план, что мы должны выйти на 20000 м³».

Быйыл саҥардыллыбыт эркиннэринэн икки дьиэ тутуута түмүктэниэ. Инниктин бу курдук тииптээх дьиэлэр бу "Звезднай" түөлбэни сэргэ "Спортивнай" уруккута 17 кыбаарталга тутуллуохтара.