АЛРОСА социальнай хайысхаҕа быйылгы үбүлээһинин улаатыннарда

Түмүк, былаан, социальнай эппиэтинэс. Тэрээһин чэрчитинэн ааспыт сыллааҕы оҥорон таһаарыы түмүктэрин, кэлэр сыллааҕы былааннары торумнаатылар. Ил Дархан хампаанньа Саха сирин экономикатыгар сүҥкэн кылаатын бэлиэтээтэ. Кэнники 10 сыл иһигэр өрөспүүбүлүкэ бюджетыгар 631 млдр. тахса үбү киллэрэн турар. Маны тэҥэ Алроса Мирнэй улууһун сайдыытыгар социальнай өттүнэн улахан көмөнү оҥорор. 

Алексей Дьячковский, АЛРОСА генеральнай дириэктэрин солбуйааччы: "Бу 2025 сылга көрүллэр социальнай бэлиитикэҕэ көрүллэр үп былырыыҥҥыттан үрдүк. Олохтоохторго социальнай өйөбүл улааттар улаатан иһэр". 

Аҥаардас 2024-25 сылларга тэрилтэ суол өрөмүөнүгэр уонна тупсарыы үлэлэригэр 800 мөлүйүөн үбү ыытар турар. Маныаха өрөспүүбүлүкэ, федеральнай таһымнаах бырагыраамалар олоххо киирэллэригэр эмиэ өйөбүл  оҥоһуллар.

Альберт Петров, Мииринэйдээҕи суол салалтатын кылаабынай инженерэ: "Уопсайа 13 килэмитир Мииринэй иһигэр аспаалланыахтаах. Ону таһынан куорат аттыгар федеральнай суолга 10 килэмиэтир усталаах сир аспаалланыа. Федеральнай таһымнаах суолу үбүлээһиҥҥэ 3 сыллаах хантараактаахпыт. Бу үлэни быйылгыттан саҕалыыбыт. Ленскэй өттүттэн оҥоробут".  

Форум биир бэлиэ түгэнинэн олохтоох каадырадары үлэнэн хааччыйыыга "Работающая Якутия" диэн саҥа бырагыраамаҕа үс өрүттээх  сөбүлэҥ түһэрсиитэ буолла. Алросаҕа кэннини 5 сыл иһигэр 20 тыһыынчаттан тахса олохтоох ыччат үлэнэн хааччыллыбыт. Владимир Седалищев форумҥа "Солдатов аатынан бириэмийэ" хаһаайынынан буолла. 

Владимир Седалищев, хампаанньа активтарын экономическэй арыаллааһыҥҥа хайысхатын салайааччы: "Алросаҕа 2019 сыллаахха Бүлүү экспедициятын састаабыгар үлэлии киирбитим. Онтон ыла 6 сыл Мииринэйгэ үлэлиибин". 

Алроса геологическай ирдээһиҥҥэ үлэни күүһүрдэр. Ааспыт сылга саҥа аһыллыбыт комплекс үлэтэ геологическай боруобаларга сыаналаах састаабы чинчийиигэ туһуланар. Минералогтар, ол эбэтэр минераллары үөрэтэр учуонайдар барытын сирийэн бэрэбиэркэлээн, талан ылбыт алмаастарга паспорт оҥороллор. Туйаара Игнатьева хампаанньаҕа 2007 сылтан ыла үлэлиир.

Алроса салгыы бөдөҥ инвестиционнай бырайыактары  олоххо киллэриигэ  ылсан үлэлэһэр. Ол курдук икки рудник тутуута былааннанар. Маныаха бырайыак барыллаан былаанын таҥыы үлэтэ номнуо саҕаламмыт.