Дьокуускай куоракка "Цифровой алмаз" диэн федеральный форум 2-с күнүн үлэлиир

Федеральнай сыыппара форума дойду араас регионнарыттан, тас дойдуттан кыттааччыны үһүс төгүлүн Саха сиригэр түмтэ. Бу форум Республикаҕа айти эйгэтэ сайдан иһэрин өссө биирдэ көрдөрдө.

Форум чэрчитинэн хас да былаһакка үлэлээтэ. Манна уопуттаах, бөдөҥ тэрилтэлэртэн саҕалаан, саҥа саҕалааччыларга тиийэ кыттааччылар араас хайысхаҕа бырайыактарын билиһиннэрдилэр, үгүс киһи болҕомтотун таттылар.

Надежда Кобякова, "Цифровой алмаз" форум кыттаччыта: «Биһи бырайыакпыт – “Единый кешбэк сервиз”. Саха сиригэр биһи бастакы “единый кошелек” буолаары сылдьабыт. Маннык сылдьан саҥаны көрөҕүн-истэҕин».

Быйылгы форум хаһааннытааҕар да элбэх кыттааччыыны түмтэ. Форум сүрүн кэпсэтиитэ - регионнар цифровой трансформациялара дойду сайдыытын приоритета.

Василий Ефимов, СӨ инновация, цифровой сайдыы уонна инфокоммуникационнай технология миниистирэ: «Форум будет наиболее продуктивным. Мы будем работать с другмим субъектами РФ. У нас цель – развивать торгово-экономические взаимотношения».

Ыалдьыттар саҥа кэм технологиятын туһанан, олох ирдэбилин кытары тэҥҥэ хаамсан, айар - тутар идэлээхтэр билиилэрин көрүүлэрин олоххо киллэрбиттэрин итиэннэ ону сайыннаралларыгар бары усулуобуйа тэриллибитин бэлиэтии көрдүлэр.

Ли Цзе, "Цифровой алмаз" форум кыттаччыта: «Бу форумҥа аан бастакытын кытта кэллибит, наһаа элбэх кыттааччы баарыттан сөхтүбүт, олус элбэх интэриэһинэй бырайыактар бааллар эбит. Билигин хампаанньалары кытта билсэ сылдьабыт, ол кэннэ форум бүтүүтэ бииргэ үлэлэһэргэ сүбэлэн түһэрсиэхпитин баҕарабыт».

Форум кэмигэр аһаҕас кэпсэтиилэр, төгүрүк остуол, маастар-кылаастар ыытыллыахтара. Араас хайысхаҕа үлэлиир тустаах тэрилтэлэр бэйэлэрин саҥа көрүүлэрин, этиилэрин этиэхтэрэ, уопут атастаһыахтара.

Ньургуна Соколова, СӨ үөрэх уонна наука миниистирэ: «Үөрэх эбийиэктэрэ нацбырайыак чэрчитинэн аныгы тэриллэринэн хааччыллаллар. Холобур робототехника оборудованиета кэлэн туһалаах буолан турар».

Саха сирэ Уһук Илин уокуругар ИТ уонна киинэ хайысхатыгар инники күөҥҥэ сылдьар. Оттон маннык ыытыллар форумнар саҥа көрүүлэри, саҥа бырайыактар олоххо киирэллэригэр төһүү күүс буолар.