Абыйдар ойуур уотун умуруорууга көмөлөспүт анал мобильнай бөлөхтөргө махталларын этэллэр

Абый улууһугар ойуур уота кураан тыаллаах күннэр туран, салгыы тэнийэн улуус киинигэр Белай Гора бөһүөлэккэ итиэннэ 80 килэмиэтир ыраах сытар Уолбут нэһилиэгэр чугаһаан олохтоохтору кутталга киллэрэ сырытта. Уоту умуруорууга туох баар күүстэрин, кыахтарын ууран үлэлээтилэр. Онтон, ийэлэр-дьахталлар түмсүүлэрэ ыҥырыы таһааран көмөҕө кэлбит дьону икки сиринэн сылаас тотоойу аһынан күндүлээтилэр. Онтон олохтоох урбаанньыттар ким кыахтааҕынан бородууктанан уонна харчынан  көмөлөстүлэр. Салгыы, чөлүгэр түһэрии үлэтин туһунан улуус баһылыга Владимир Новиков иһитиннэрэр.