Наталья Иванова сахатытыллыбыт евродесертары оҥорор
Главное
-
8 сентября в 02:458 сентября. День в истории - даты, события
-
8 сентября в 00:30Прогноз погоды в Якутии на 8 сентября
-
7 сентября в 11:48В Якутске обсудили улучшение городской среды и качества жизни людей на форуме "Якутск 4.0.0"
-
7 сентября в 11:16Айсен Николаев встретился с командиром добровольческого батальона "Боотур"
Наталья Иванова ас эйгэтигэр үлэлээбитэ 20-тан тахса сыл буолла. Кыра сааспыттан минньигэскэ куруук ураты тапталынан иэйэр этим диэн үллэстэр. Бастаан Чурапчы улууһугар тэриллэн кондитерынан үлэлээбитэ, ол сылдьан араас дойдуну кэрийэн, амтан арааһын, эриэккэһин хомуйан ылан, үөрэнэр. Өрөспүүбүлүкэ араас муннуктарыттан Наталья Иванова минньигэһигэр тиксээри уһун уочаракка тураллар. Норуот тапталын, үрдүк биһирэбилин ылбыт асчыт евродесертарын туһунан кэпсээтэ.
Наталья Иванова, кондитер, суруйааччы: "Евродесерт саха дьонугар сонун ас. Мин соҕуруунан сылдьан үөрэнэрбэр ырысыабын быһыытынан олус минньигэстэр диэн бэлиэтии көрбүтүм. Ол иһин саха айаҕар сөп түбэһэр гына уларытан-тэлэритэн биэрбитим. Ол иһин ааптарыскайым диэн этэбин. Быйыл эмиэ саҥаны киллэрээри сылдьабын. Ол курдук дьэрэкээн туортары оҥорон эрэбин".
Араас дойдунан ас маанытын үөрэтэ сылдьан, Сахам сирин олохтоохторо манныс ас баарын билиэхтээхтэр, хайаан даҕаны амсайыахтаахтар диэн санаанан салайтаран астаан саҕалаабыта. Наталья оҥорбут айымньытын арай бастаан көрөргө оонньуур курдук. Ама ас маннык буолуон сөп эбит дуо диэн киһи сөҕө түһэр. Күүстээх баҕаттан уонна минньигэскэ тапталтан оҥоһуллубут десертэри оҕо дьиэлэригэр, анал байыаннай дьайыыга сылдьар дьиэ кэргэттэргэ куруук бэлэх быһыытынан уунар.
Наталья Иванова, кондитер, суруйааччы: "Киһи баардаах буоллаҕына дьоҥҥо бэрсиэхтээх. Мин сатыырым эрэ, сулустуу түөспэр анньынарым минньигэстэрим. Онон бу үтүөбүттэн дьоҥҥо үллэстэбин".
Наталья бастаан өрөспүүлүкэ киинигэр көһөн кэлэригэр, "Мин дьыалам" көмө киинэ улахан тирэх буолбута. Ол көмөтүнэн асчыкка наадлааах тэрил арааһа, астыыр дьиэтэ бырыһыана суох көмөнөн хааччыллыбыта. Билигин Саҥа дьыл саҕана үлэ күөстүү оргуйар. Сыл аайы саҥаттан саҥа ас эгэлгэтин таһааран, дьонун үөрдэр.
Асчыт киһи аска сыһыана олох ураты буолар эбит: хас биирдии кыырпаҕар тиийэ уһулуччу бастыҥ буоларыгар кыһанар. Наталья Иванова дууһалыын, куттуун-сүрдүүн чэпчэки, дьиэ кэргэн мааны сандалытыгар турар ас хайаан даҕаны үөрүү-дьол алгыстаах оҥоһуллуохтаар диир.
Наталья Иванова, кондитер, суруйааччы: "Ас астыырга таҥаска курдук муода эмиэ уларыйан иһэр. Ол иһин хаалсыбат гына анал үөрэхтэри ааһыахтааххын".
Ас астыырыттан ураты өссө кини суруйааччы быһыытынан биллэр. Айар талаана аҕатыттан, Чурапчы улууһа киэн туттар суруйааччытыттан, Бэргэн Бүөтүртэн бэриллибит. "Олоҕу талабын" диэн кинигэтэ бүтүн Арассыыйатааҕы күрэххэ Уһук Илиҥ бастыҥ таһаарыыта буолары ситиспитэ. Бэйэлэрин дьыалаларын арынан үлэлиэн баҕалаахтарга Наталья урбаанньыттарга көрүллэр үп биһиги дойдубутугар олус сайдан турар, онон харса суох саҥаны арыйартан толлумаҥ диэн этэр.