Үөһээ Бүлүү Быракааныгар култуура киинэ арыллыбыта 8 сылыгар барда
Главное
-
8 сентября в 00:30Прогноз погоды в Якутии на 8 сентября
-
7 сентября в 11:48В Якутске обсудили улучшение городской среды и качества жизни людей на форуме "Якутск 4.0.0"
-
7 сентября в 11:16Айсен Николаев встретился с командиром добровольческого батальона "Боотур"
-
7 сентября в 10:48Семья Ефремовых награждена первым знаком отличия "Семейная доблесть Республики Саха (Якутия)"
Кыра эрдэхтэн талааннары арыйыы - бу Быракаан төрүт култууратын киинин биир сүрүн үлэтин барыла буолар. 2015 сыллаахха нэһилиэк хаба ортотугар саҥа эбийиэк тутуллан, ол кэмтэн ыла нэһилиэк олоҕо биллэ сэргэхсийбитэ. Күн бүгүн манна үгүс кулууп иһинэн тэриллиилэр үлэлии тураллар. Араас тэрээһиннэр тиһигин быһыллыбакка ыытылаллар.
Альбина Алексеева, Быракааннааҕы төрүт култуура киинин уус-уран салайааччыта: «Быракаан төрүт култууратын киинин иһинэн киинэ уһуллар. Биһиги бэйэбит ис-баҕа санаабытынан дэриэбинэбитин сырдата олоробут. Бэйэбит видеоролик устабыт, монтажтыыбыт уонна ыраах сытар биир дойдулаахпытыгар, олорор нэһилиэкпитигэр куруук сырдата турабыт. Оннук курдук оҕолорбут онно сыһыаннаахтар, бэйэлэрэ кыралаан киинэ усталлар».
Күн бүгүн төрүт култуура киинигэр 12 тэриллии үлэлиир. Онтон биирдэстэрэ иистэнньэҥнэр түмсүүлэрэ. 4 сыллааҕыта нэһилиэк Далбар Хотуттара түмсэннэр, тарбахтарын ураты талаанын арыйар иис бөлөҕүн арыммыттара.
Мария Дмитриева, Быракаан нэһилиэгин олохтооҕо: «Биһи 2019 сыллааххтан “Эбээлэр түмсүүлэрэ” диэн үлэлии олоробут. Олоҥхо ыһыаҕар сахалыы таҥастары, кэнсиэрдэргэ ол-бу таҥас, көстүүм игин уонна олбохтору тигэбит».
Маны таһынан киин иһинэн модельнай библиотека үлэлиир. История кэрэһэлииринэн библиотека 1958 сыллаахха Андрей Дьячковский көҕүлээһининэн арыллыбыт. Билигин кинигэ түөлбэтин Мария Баянаева салайар.
Мария Баянаева, Быракааннааҕы модельнай библиотека сэбиэдиссэйэ: «Библиотекабыт пуондата 5500-тэн тахса кинигэлээх уонна саҥа кэлии кэлэ турар. Киин библиотека хааччыйар, сурутуубут эмиэ онтон хааччыллан турар. Библиотека иһинэн Үөһээ Бүлүү олохтоохторо хаһыат суруттараллар. Ону бэйэм суруттараммын оройуоҥҥа киирэн туттарабын. Оройуонтан аҕалтаран бэйэм түҥэтэбин. Сыл аайы “Лучший читатель года” диэн оҕолорго номинациялаахпын, онно бириис биэрэбин, грамоталыыбын».
Россияҕа учуутал уонна уһуйааччы, Саха сиригэр үлэ, Үөһээ Бүлүү улууһугар судаарыстыбаннай деятель Исидор Барахов сылларын чэрчитинэн, култуура киинигэр үгүс үлэ ыытыллар. Маныаха киин араас бырагырааммалартан туора турбакка, кыттан иһэр.
Светлана Саввинова, Быракааннааҕы төрүт култуура киинин салайааччыта: «2022 сыллаахха материально-техническай граан ылбыппыт. Ол онон саҥа тэрил, көмпүүтэрдэри ылбыппыт».
Бу курдук кыра нэһилиэк дэммэккэ, үгүс элбэх талааннаах дьону арыйбыт култуура киинэ үлэлии-хамсыы олорор.