Саха сиригэр тымныйыынан ыалдьыы көрдөрүүтэ үрдээн турар
Главное
-
8 сентября в 00:30Прогноз погоды в Якутии на 8 сентября
-
7 сентября в 11:48В Якутске обсудили улучшение городской среды и качества жизни людей на форуме "Якутск 4.0.0"
-
7 сентября в 11:16Айсен Николаев встретился с командиром добровольческого батальона "Боотур"
-
7 сентября в 10:48Семья Ефремовых награждена первым знаком отличия "Семейная доблесть Республики Саха (Якутия)"
Кыһыммыт тымныытынан тыынан тиийэн кэллэ. Балаҕан ыйыттан саҕалаан Өрөспүүбүлүкэ үрдүнэн тымныйыынан ыалдьыы көрдөрүүтэ үрдээн турар, билигин даҕаны күһүҥҥү дьаҥ ыарыыта аҕыйаабат. Хас нэдиэлэ ахсын эпидборуогу аһарыы бэлиэтэнэр. Дьокуускай олохтооҕо Аркадий Платонов ыалдьан олорор сиринэн балыыһаҕа бырааска кэлэн көрдөрүнэ сылдьар. Хас да хонук бэйэтэ эмтэнэ сатаан баран ыарыыта ааспатах.
Аркадий Платонов, Дьокуускай олохтооҕо: «Бронхит, тымныйыыттан. Ааспатаҕа нэдиэлэ буолла. Антибиотик, ингаляция анаатылар».
Киров аатынан уулуссаҕа турар Өрөспүүбүлүкэтээҕы 3-с нүөмэрдээх балыыһаҕа күннэтэ 20-н тахса киһи тумуулаан кэлэр. Сүрүннээн ОРВИ ыарыыта элбэх диэн инфекционист быраас Надежда Федорова этэр. Орто уонна аҕа саастаахтар ыалдьыылара элбэх эбит. Билигин күһүҥҥү дьаҥ кэмигэр ыарыыны сэрэтэн эрдэттэн харыстанар ордук диэн быраас сүбэлиир.
Надежда Фёдорова, СӨ 3№ балыыһатын инфекционист бырааһа: «Дьылы көрөн таҥныахха уонна битэмииннэри иһиэххэ наада. Холобура битэмиин С, битэмиин Д. Күөмэйгитин, муннугутун туустаах, суодалаах ууннан сайҕана сылдьыахытын уонна ыарыыгытын уһаппакка-кэҥэппэккэ бырааска көрдөрөн эмтэнэ туруоххутун наада».
Саха сиригэр дьаҥынан ыалдьыы көрдөрүүтэ балаҕан ыйыттан саҕалаан үрдээн турар. Ол курдук хас нэдиэлэ ахсын өрөспүүбүлүкэ үрдүнэн тыһыынчаннан киһи ОРВИ, грипп ыарыынан ыарыйда. Коронавирус эмиэ тарҕанан турар. Орто уонна аҕа саастаахтары тэҥэ ордук оскуола, уһуйаан саастаах оҕолор ыалдьыылара эмиэ элбэх.
Татьяна Николаева: «Аҥардас ааспыт нэдиэлэҕэ Дьокуускайга 4 тыһ. тахса киһи ОРВИ, грипп ыарыыннан ыалдьыбыта бэлиэтэнэр. Бу ыарыы көрдөрүүтүн үрдээһинин 19% куоһарар, онтон сиэттэрэн куорат оскуолаларыгар, уһуйааннарыгар, биирдиилээн кылаастар, бөлөхтөр тэйиччиттэн үөрэххэ уонна карантиҥҥа баран эрэллэр».
Исписиэлиистэр бэлиэтииллэринэн, ОРВИ, грипп ыарыыттан харыстаныыга саамай көдьүүстээҕинэн быһыы ылыы буолар. Бүгүҥҥү күҥҥэ өрөспүүбүлүкэ үрдүнэн үс сүүстэн тахса тыһыынча киһи грипп утары вакцинаны ылбыт. Быһыыны ким баҕалаах поликлиникаларга кэлэн ылыан сеп.
Валентина Григорьева, Роспотребнадзор СӨ салалтатын эпидемиологическай кэтээн көрүүгэ салаатын салайааччытын солбуйаччы: «Ааспыт нэдиэлэ түмүгүнэн ОРВИнан 7734 киһи ыалдьыбыта биллэр. Эпидпоруогу 17% аһарар, онтон лабараторнай кэтээн көрүү түмүгүнэн ОРВИны тарҕатар араас вирустар бааллара биллэр. Грипп вируһа биллибэт. Маны тэҥэ ковид эмиэ баар, ОРВИны кытта үрдүүр».
Быһыыны бастакы уочарат 6 ыйыттан саҕалаан бары оҕолор, устудьуоннар, уерэҕирии, доруобуйа харыстабылын, социальнай тэрилтэлэр, итиэннэ олох-дьаьах коммунальнай эйгэ улэһиттэрэ, 60-н аһарбыт дьон, хат дьахталлар ылаллара наада. Биллэрин курдук, ыарыыны сэрэппит ордук, онон харыстаныы миэрэлэрин тутуһарга, быһыыны ыларга сүбэлиллэр.