Сиртэн хостонор баай түмэлэ арылынна

ХИФУ Геологическай чинчийии факультетыгар саҥа түмэл арылынна. Манна сиртэн хостонор баай, күндү таастар көрдөрүүгэ турдулар. Түмэли устудьуоннар эрэ буолбакка, олохтоохтор, ким баҕалаах тиийэн көрүөн сөп.

 Геология саҥа түмэлигэр күндү таастар, минераллар уонна   уонна  атын сиртэн хостонор баай көрүҥнэрэ хайысхаларынан арахсан  көрдөрүүгэ турда. Түмэлгэ барыта 2 тыһыынча экспозиция киирэр. Факультет аҕа уһуйааччыта Евдокия Дмитриевна геология эйгэтигэр үлэлээбитэ 50 сыл буолла. Бу эйгэҕэ олоҕун анаабыт уһуйааччы түмэл үлэтин – хамнаһын сиһи.

Евдокия Акимова, М.К. Аммосов аатынан ХИФУ сири чинчийии факультетын прикладной геология кафедратын аҕа уһуйааччыта: "3 тыһыынча курдук минерал баар, онтон көрдөрүүгэ 2 тыһыынча курдук турда. Балартан саамай киэн тутта көрдөрөр тааспыт чароит. Чаара диэн өрүстэн булуллубут таастар. Састааптарыгар минераллара олус элбэх. Холобур, чариот тааска 30 минерал баар диэн быһааран тураллар. Маны сэргэ киэргэлгэ туһаныллар таастар бааллар. Бу барыта Саха сирин баайа, норуот баайа".

Геолого-разведечнай факультетка күн бүгүн 500-чэкэ  устудьуон 4 хайысханан үөрэнэр. Бүлүү улууһуттан сылдьар Александр Гаврильев геолог үөрэҕэр анаан минээн киирбит. Кини сиргэ хамсыыр ууну, сир ириитин туһунан чинчийэн үөрэтэр. 

Александр Гаврильев, ХИФУ ГРФ 4 кууруһун устудьуона: «Бу билигин петрография диэн кууруска үөрэнэ олоробут. Манна биһиги хайа боруодатын састаабыгар баар минералларын үөрэтэбит».

Устудьуоннар бөдөҥ бырамыысыланнай тэрилтэлэргэ быраактыкаларын куруук ааһаллар. Бу уустук идэни уолаттар эрэ буолбакка кэрэ аҥардар эмиэ талаллар. Орто Халыматтан сылдьар Раиса Третьякова сиртэн хостонор баайы булуу салаатыгар үөрэнэр.

"Үөрэҕим олус интэриэһинэй, быраактытаҕа сылдьарбын туохтааҕар да ордоробун, онно сылдьан элбэҕи билэбин, саҥаны арыйабын", -  диэн этэр.

Саҥа аһыллыбыт геология түмэлэ устудьуоннар билиилэрин өссө хаҥаталларыгар төһүү күүс буолуо диэн үөрэх салаата эрэнэр. Оттон Саха сирин баайын көрдөрөр түмэл олохтоохторго анаан аны күһүн үлэлиэ.