Мөлтөх хаачыстыбалаах оҕо былаһааккалара
Главное
-
22 марта в 15:36Абсолютными чемпионами Чемпионата России по мас-рестлингу стали Сергей Фролкин и Анастасия Галкина
-
22 марта в 13:47График отключения электроэнергии и водоснабжения в Якутске на 23 марта
-
22 марта в 12:34Айсен и Николай Алексеевы стали победителями республиканских соревнований отцов и сыновей
-
22 марта в 11:50Общество "Знание" приглашает школьные музеи к участию во Всероссийском конкурсе
Уһук Илиҥҥэ 1000 тэлгэһэни тупсарыы программатынан ааспыт сылга, аҥардас Дьокуускай куоракка, 75 оҕо былаһааккатын тупсарбыттара. Ол эрэн тутааччылар өттүлэриттэн хаачыстыба мөлтөҕүн туһунан олохтоохтортон элбэх үҥсүү киирбит. Онон норуот фрона бу күннэргэ Курашов, Ломоносов уулуссаларыгар турар оҕо былаһааккаларын кэрийэн көрдө. Ол түмүгэр, баар чахчынан тутуу үлэтэ хаачыстыбата суоҕун бэлиэтээтилэр.
“Кыһын ахсынньы ыйга оҥорбуттар. Томороон тымныыга асфальт уурбуттар, онтулара билигин куһаҕан туруктаах. Эбиитин сабыы туппуттара улахан сыыһалаах. Нэһиилэ турар. Кыранан үлэ ыыппыттара эмиэ барыта сыыһалаах. Биһиги билэрбитинэн, бу үлэни барытын төлөөбүттэр”, - диэн норуот фронун бэрэссэдээтэлин солбуйааччы Алексей Лаптев иһитиннэрдэ.
Норуот фронун бэрэстэбиитэллэрэ тахсыбыт кэһиилэри ыйан туран прокуратураҕа үҥсүү суругу суруйар былааннаахтар. Хаачыстыбата суох тутуу дьыалатын прокурор хонтуруолга ылыаҕа диэн эрэллээхтэр.
