Өрөспүүбүлүкэтээҕи "Сахалыы дьыктаан" аахсыйа түмүктэннэ
Главное
-
7 мая в 13:46В год 80-летия Победы медики Якутии проводят акцию "ЗдравПобеда"
-
7 мая в 13:35В Якутске действует запрет на запуски беспилотных летательных аппаратов
-
7 мая в 13:26Юрий Трутнев: человек может быть сильным, лишь опираясь на опыт страны, на её историю
-
7 мая в 13:13В Управлении ЗАГС Якутии оказывают бесплатную юридическую помощь участникам СВО и их родным
Төрөөбүт тыл уонна сурук-бичик күнүгэр аналлаах сылын аайы ыытыллар "Сахалыы дьыктаан" быйыл хас да былаһаакканан барда. Быйылгы сахалыы дьыктаан суруйааччы, уопсастыбыннай диэйэтэл Гавриил Баишев - Алтан Сарын 125 сылыгар ананна. Онон кини айымньытыттан быһа тардан дьыктааны суруйдулар. Тылы таба суруйарга, сөпкө туттарга үөрүйэхтэрин олохсутар уонна иҥэрэр сыаллаах тэрээһиҥҥэ, уопсайа 2 800 тахса киһи кыттыыны ылла.
"Гавриил Васильевич Баишев – Алтан Сарын 125 сааһыгар ананар. Тэрээһиҥҥэ элбэх киһи кэлэн кытынна. Алтан Сарын кэпсээниттэн быһа тардан суруйуу, 210 тыллаах тиэкис. Итиэннэ 2 сорудахтаах. Декадабыт эмиэ Гавриил Васильевичка ананна уонна Гуманитарнай чинчийэр институту кытта холбоһоммут, икки күннээх аан дойдутааҕы кэмпириэнсийэ ыыттыбыт", - диэтэ М.К. Аммосов аатынан ХИФУ саха тылын кафедратын ассистена Наталья Жирохова.
Манна саха тылын таба туттуу, сөпкө суруйуу уонна сурук-бичик бэлиэтин туруоруу учуоттанар. Дьыктаан түмүгэ нэдиэлэ устата биллиэҕэ. Хас биирдии кыттааччыга туоһу суруктары, дипломнары туттараллар. Онтон тэрийээччилэр сылын аайы сахалыы дьыктааҥҥа кыттыан баҕалаах киһи элбээн иһэр диэн бэлиэтииллэр.
