Күһүҥҥү булт үгэнэ

Бултаах-алтаах Томпо байылыат сирэ. Манна билигин сааһыттарга булт үгэнэ, ону кытары тэҥҥэ айылҕа харыстабылын салаатын үлэһиттэригэр. Оройуоҥҥа бу кэмҥэ 10-тан тахса кэһии булуллан, административнай дьыалалар көбүтүлүбүттэр. Буруй үксүн - докумуон чааһыгар.

Поликарп Башарин, булт иниспиэктэрэ: «Саа өттүгэр докумуон буолар уонна көҥүл ылбаттар. Билигин дронунан рейдэбэй тэрээһиннэри ыытабыт. Вездеходунан уонна моторканан үксүн сылдьабыт».

Хара тыанан, уунан иниспиэктэрдэр оперативнай үлэлэрин ыыталлар. Манна даҕатан эттэххэ, Томпо улууһугар 4  - "Хоту", "Сунтаар Хайата", "Тукулаан" уонна "Томпорук" диэн ааттаах ураты харыстанар сирдэр бааллар. Онон инисипиэктэрдэргэ үлэлэрэ баһаам.  Билигин Томпотооҕу айылҕа харыстабылын булт салаата күүһүрдүллүбүт эрэһиимҥэ киирэн, холбоһуктаах риэйдэлэри ыытарын туһунан иһитиннэрэр. Көҥүл бэриллиэн иннинэ эмиэ бэрэбиэркэлиир тэрээһиннэр ыытыллыбыттар.

Валентин Николаев, Томпо улууһун айылҕа харыстабылын салалтатын салайааччыта: «Анал тэрээһиннэри ыытабыт. Билигин ГИМС, рыбнадзор уонна МВД кытта тэҥҥэ рейдэ ыытабыт. Көҥүл ылбаттар, бултаан баран толорботтор. Мотуорунан уста сылдьан бултуур көҥүллэммэт».

Өрөспүүбүлүкэ үрдүнэн булт иниспиэктэрдэрэ  нэһилиэнньэни кытары көдьүүстээх үлэни ыытан, Саха сирин үрдүэн бу эйгэҕэ буруйу оҥоруу аҕыйаабыта бэлиэтэнэр диэн булт иниспиэксийэтэ иһиттиннэрэр.

Иннокентий Слепцов, Ураты харыстанар сирдэргэ уонна айылҕа пааркаларыгар биологическай ресурса Дирекциятын сурукка киллэрии, кэтээн көрүү салалтатын начальнига: «Иниспиэктэрдэр улахан үлэлэрин түмүгэ буолар, дьон сокуону кэспэт өйүгэр-санаатыгар киирэрэ. Сыл аайы сокуону кэһии кыччыыр».

Маныаха билигин дьиикэй табалары кэтиир  "Арҕаа" диэн ааттаах анал этэрээт Мииринэй улууһун диэки эмиэ кэтиир-маныыр үлэтин ыытар. Үлэ бу хайысха5а күүһүрдүллүбүт эрэһииминэн баран иһэр.