"Саха сиригэр оҕо бигэ тирэхтээх сайдыыта - инники олох төрдө"

21

Дьокуускайга "Саха сиригэр оҕо бигэ тирэхтээх сайдыыта - инники олох төрдө" диэн аатынан педагогическэй форум үлэтин саҕалаата. Конференция сыала-соруга - 21 үйэ сайдар саҕахтарын, кыахтарын биирдик тутуу уонна аһаҕас биир кэлим үөрэх эйгэтин тэрийии буолар. Форумҥа үөрэх салаатыгар бигэтик киирбит хайысхалары дьүүллэһиэхтэрэ. Үөрэх эйгэтин бары кыттыыллааҕа биир ситимнээхтик үлэлэһиитэ, инники сайдыыга улахан суолталаах буолуоҕа. Маны таһынан, Саха сиригэр оҕо сайдыытыгар харгыс буолар сытыы кыһалҕалар эмиэ быһаарыллыахтара. 

"Мин санаабар, бу форум олус үчүгэй. Бары педагогтары, баспытааталлары кытта, туох баар уопсастыба кыттыһан, манна оҕо сайдыытыгар улахан үлэни оҥоруохпут дии саныыбын. Мин форумҥа оҕо библиотекатын аатыттан кыттабын. Биһиги уһуйааннары кытта чугакстык үлэлиибит. Хас да сыл методическай босуобуйалары оҥоробут. Онно “Читаем все” диэн улахан бырагыраамма киирбитэ. Ол бырагыраамманан кыра оҕолор, төрүөҕүттэн саҕалаан оҕо саадыгар, оскуолаҕа диэри бэлэмнэнэллэр. Библиотекабытыгар улахан кинигнэ фондата баар. Бу фондабытынан детсадтарга көмөлөһөбүт уонна методистары, баспытааталлары кытта үлэлиибит", - диэн "Ааҕыы киинэ" оҕо библиотекатын сэбиэдиссэйэ Ирина Николаева кэпсээтэ.

Форум иитинэн, "Тепло детских рук" диэн анал байыаннай эпэрээссийэ кыттыылаахтарын өйүүр аахсыйа биллэрилиннэ. Тэрээһин Аҕа дойду көмүскээччилэрин күнүгэр ананыаҕа. Аахсыйаҕа Туймаада хочотун бары оҕо уһуйааннара кыттыахтара