Василий Николаев быыстапката Санкт-Петербург куоракка турда

Санкт-Петербург куоракка Ньурба улууһун Өҥөлдьө нэһилиэгиттэн төрүттээх талааннаах педагог, РСФСР Үөрэҕириитин туйгуна, "Саха-Азия оҕолоро" пуонда стипендиата, РСФСР Үтүөлээх учуутала, уран илиилээх норуот маастара Василий Николаевич Николаев айар үлэтин кэрэһэлиир быыстапка турда. Быыстапканы Василий Николаев төрөппүт кыргыттара Вера, Александра уонна Светлана аҕаларын аатын үйэтитэр итиэннэ кини аатын киэҥ араҥаҕа билиһиннэрэр сыаллаах тэрийдилэр. Көрдөрүүгэ Василий Николаев хартыыналара, мастан оҥоһуктарын кэпсиир хаартыскалар турдулар.