Дьокуускайга "Оҥоһуу өй - үөрэҕириигэ" диэн бүтүн өрөспүүбүлүкэтээҕи пуорум буолла

"21 оскуола" сыппара технологиятын кыһатыгар буолбут бөдөҥ тэрээһиҥҥэ оскуола учууталлара, орто, үрдүк үөрэх кыһаларыттан испиэлиистэр, салайааччылар муһуннулар.  Сүрүн ис хоһоон - саҥа технологияны, чуолаан оҥоһуу өйү үөрэхтээһин салаатыгар киллэрии, сатаан туттуу ньымаларын дьүүллэһии. Пуорум үрдүк таһымҥа тэриллэн манна Москва, Владивосток куораттарыттан тиийэ экспэрдэр кэлэн кытыннылар.

Александр Кравчук, Уһук Илиннээҕи федеральнай университет преподавателэ: «Мы обучаем представителей образования, педагогов, управленцев, также методистов к применению искусственного интеллекта в образовании. Мы рассматриваем сценарии внедрения, применения, для того чтобы усилить педагогов, для того чтобы достигнуть результата и повысить в итоге качество образования».

Саха сиригэр оҥоһуу өйү сайыннарыы стратегията 2032 сылга диэри бигэргэтиллэн турар, Ил Дархан иһинэн оҥоһуу өй лабораторията тэриллибитэ. 20-тэн тахса быһаарыы судаарыстыбаннай салайыыга, медиссиинэҕэ, ону тэҥэ култуураны уонна саха тылын харыстыыр бырайыактарга номнуо киллэриллэ сылдьар. Педагогтары оҥоһуу өйү туһанарга үөрэтиини уонна өрөспүүбүлүкэ бары оскуолаларыгар киллэрии кэлэр сылларга сүрүн-сыал сорук. 

Алена Оконешникова, Дьокуускайдааҕы 40№-дээх орто оскуола учуутала: «Бүгүн бу пуорумҥа учууталлар буолан элбэҕи билиэхпит, үөрэтиэхпит, үлэбитигэр туһаныахпыт диэн кэлэн турабыт. Бэйэбит үлэбитигэр наһаа туһалаах буолуо дии саныыбыт».

Пуорум кыттыылаахтарыгар экспердэр хаартысканы, видеоны, араас тексты оҥоһуу өйү туһанан оҥоруу ньымаларын билиһиннэрдилэр. Ону тэҥэ салайааччыларга оҥоһуу өйү туһаныы көдьүүстээҕин кэпсээтилэр. Бүгүҥҥү күҥҥэ Саха сиригэр ИИ туһанан 43 бырайыак олоххо киирэр. Бу ааспыт нэдиэлэҕэ ыытыллыбыт Хотугу Форум үлэтэ эмиэ оҥоһуу өй тиэмэтигэр анаммыта.

Владимир Васильев, Хотугу Форум ситэриилээх дириэктэрэ: «Искусственнай интеллект сайдар бириэмэтигэр киһи хайдах олоҕун дьаһыныахтааҕын туһунан, ханнык үөрэххэ киириэххэ сөбүн, ханнык исписээлинэс баар-суох буолуохтарын диэн кэпсэтии буолан ааста».

Үөрэҕирии эйгэтигэр оҥоһук өйү туһаныы элбэх кыаҕы, саҥаны, сайдыыны арыйар. Уонна бу хайысхаҕа каадырдары бэлэмнээһин улахан суолталаах.

Владислав Хабаров, СӨ үөрэҕириигэ уонна наукаҕа миниистирин солбуйааччы: «Биһиги баҕа санаабыт диэн манна үөрэх эйгэтин үлэһиттэригэр, истээччи эрэ буолбакка искусственнай интеллект технологиятын бэйэлэрин кытта илдьэ бараннар үлэлэигэр киллэрэллэрин баҕарабыт».

Оҥоһуу өй билигин экономика, социальнай эйгэни уонна судаарстыбыннай салайыныыны сайыннарыы сүрүн инструменынан буолла. Дойду президенин сорудаҕынан 2027-30 сылларга искуственнай интеллекты  олоххо киллэрии национальнай бырайыага көрүллэр.