Саха сиригэр бүгүҥҥүттэн аччыгый суудуналарга навигация түмүктэннэ

Улахан сиик, туман, кыралаан мууһуруу Саха сирин өрүстэригэр балаһыанньа күн бүгүн бу курдук. Алтынньы 7 күнүттэн кыра, дьоҕус суудуналаах дьоҥҥо айан тохтоото. Бу күнтэн ыла биир даҕаны оҥочо уу эбийиэктэригэр тахсыа суохтаах.

Билигин өрүстэргэ, үрэхтэргэ кыралаан тоҥоруу саҕаланан эрэ. Салгын температурата уу эбийиэктэригэр намтыыр. Ону кытары биллэн туран суудуна техническай туруга мөлтүүр. ГИМС иниспиэктэрдэрэ суудунаны ыытааччылары бу кэмтэн ыла ууга тахсары боболлор.

Олеся Пронченко, РФ ЫБММ Саха сиринээҕи салалтатын алын суудуналарга иниспиэксийэ уу эбийиэктэригэр дьон куттала суох буолуутун хааччыйар салаа судаарыстыбаннай иниспиэктэрэ: «Эксплуатация в закрытые сроки категорически запрещена, исключение составляет только суда, которые эксплуатируются службой спасения либо службами, которые осуществляют контрольно-надзорную деятельность. В связи с понижением температуры воздуха на реку спустился небольшой туман, видимость пока допустимая, но уже некомфортно передвигаться».

Биһиги устар бөлөхпүт ГИМС иниспиэктэрдэрин кытары навигация сабыллар күнүн баттаһа риэйдэҕэ сырытта. Уу сокуонун үлэһиттэрэ бүтэһик сырыылаах суудунаны ыытааччылары бэрэбиэркэлээтилэр. Профилактическай кэпсэтиини ыытыллар. 7-ис чыыһылаттан бобууну биллэрдилэр.

Төһө да сэрэтии үлэтэ ыытыллыбытын үрдүнэн ууга тахсар дьон, олохторун кэрэйбэккэ, быраабыланы тутуспакка айанныыллар.Статистика хобдох сыыппырата ону туоһу.

Валентин Захаров, РФ ЫБММ Саха сиринээҕи салалтатын алын суудунуларга иниспиэксийэ уу эбийиэктэригэр дьон куттала суох буолуутун хааччыйар салаа кылаабынай исписэлииһэ: «Ааспыт өрөбүллэргэ дьоҕус суудуналартан 4 быһылаан таҕыста, 5 киһи өлүүлээх. Аллараа Халыма, Мэҥэ Хаҥалас, Амма уонна Үөһээ Бүлүү оройуоннарыгар. Сыл саҕаланыаҕыттан уу эбийиэктэригэр уопсайа 48 киһи былдьанна. Бүгүҥҥү күҥҥэ 400-кэ административнай боротокуол толоруллан турар, 14 дьоҕус суудуна ыстыраап-стоянкаҕа тутулунна. Убаастабыллаах дьоҕус суудунанан сылдьааччылар, навигация сабыллыбытын кэннэ айанныыр булгуччу бобуллар».

Бу күнтэн ыла риэйдэбэй-опертивнай тэрээһиннэр ыытылла туруохтара. Навигация кэмэ сабыллыбытын кэнниттэн тахсыбыт суудунаны ыытааччылары 5 тыһынчаттан 10 тыһынчаҕа диэри ыстыраап көһүтэр итиэннэ ыстыраап-стоянката.