Экологическай туризмы сайыннарыы

Кыталык ыллыгынан. Аан дойду кыһыл кинигэтигэр сүтэн эрэр көтөрдөр ахсааннарыгар киирэр кыталыкпытыгар аналлаах туристарга анаммыт суол номнуо дьон болҕомтотун тарта. Бу бырайыак "Кыталык көтүүтэ" бырагыраама чэрчитинэн олоххо киирбит. Эко-ыллык көтөрдөрбүт хотуттан соҕуруу барар аартыктарыгар оҥоһуллубут.

Алексей Иванов, Биологическай ресурсалар, ураты харыстанар айылҕалаах сирдэр уонна аан айылгылар дириэксийэтин туризм салаатын салайааччыта: «Кыталыкпыт миграциятын суолугар турар ыллык. Ол иһин барыта кыталык туһунан сырдатар ыллык буолар».

Номнуо ыраахтан-чугастан бастакы туристар кэлитэлээбиттэр. Дьокуускай куорат олохтооҕо Дария Яковлева дьүөгэлэрин кытары ырааҕы-ыраах диэбэккэ тимир көлөнөн, салгыы уу аалынан айаннатан Охотскайы булбут. Кэлбит сыалын ситиһэн үөрүүтэ баһаам.

Дария Яковлева, турист: «Көрсүбүттэриттэн уонна кыталык көрбүппүүтүттэн үөрэн долгуйан төннөн эрэбит. Үс кыталыгы көрдүбүт. Саха сирин олохтоохторугар этиэм этэ, өскөтүн балаҕан  ыйыгар Томпо оройуонугар баар буоллахытына хайаан даҕаны Охотскай Перевоз диэн дэриэбинэҕэ кэлэн көрө сатаан. Атын дойдуга буолбакка Саха сиригэр сынньаныахпытын наада».

Кэлбит ыалдыьыттары аан айылыгылар уонна ураты харыстанар сирдэр дирекциятын үлэһиттэрэ көрсөн, хоннорон, аһатан бу ытык сир туһунан сиһилии кэпсиэхтэрэ. Вездеход көлөнөн сырыттыннаран бу ураты сир кэрэлэрин көрөдөрөллөр. Онтон бу маннык бырайыак биллэн туран, аҕыйах нэһилиэнньэлээх Охотскай Перевоз сэлиэнньэтин сайдыытыгар улахан төһүү буолуоҕа. Манна күн бүгүн 100-тэн тахса эрэ киһи олорор.

Сардана Гермогенова, "Охотскай Перевоз" МТ баһылыга: «Чтобы Охотский также развивался, чтобы было все в нем прекрасно и красиво, как наши красивые птицы стерхи. Очень красивые, завораживающие места. Люди приезжают и уезжают потом с таким впечатлением, это очень радует. Я вижу в глазах людей, человек как будто меняется».

Саха сирин биир ураты, дьолу аҕалар дьиктилээхэй көтөрө - кыталык үөрэ көтөн ааһарын илэ харахтарынан көрүөн баҕалаахтарга бу бэртээхэй бырайыак буолар.  "Кыталык ыллыга" экологическай маршрут өссө да кэҥиир-сайдар соруктаах.

Бу экологическай ыллык өрөспүүбүлүкэ эрэ буолбакка, бүтүн аан дойду таһымнаах. Манна Арассыыйа таһыттан ыалдьыттар кэлэ тураллар. Онон Охотскай Перевоз сайдыытыгар улахан кыаҕы биэрэрэ саарбаҕа суох.