Алмааһы хостуурга оҥоһуу өйү хамаҕатык туһанар буоллулар

Оҥоһуу өй бырамыысылыннаска туһаныллар буолла. Бу сайын Анаабыр алмаастара тэрилтэ Эбэлээх комплексыгар хостонор сир баайын оҥоһуу өйүнэн наардаата. Онуоха аҕа маастар, бырамыысылыннаска туһанарга бары усулуобуйа оҥоһулунна диэн эттэ.

Сергей Герасимов, "Анаабыр алмаастара" АУо Эбэлээхтээҕи наардыыр комплекс аҕа маастара: «Ону бэйэбит доработкабытынан көрө-көрө оҥорбуппут. Июнь ый ортотугар кэлэннэр бэйэлэрин камераларын туруорбуттара. Икки ыйы быһа материал хомуйбуппут фото, видео материалларын уонна хомуйан баран лабораторияҕа ыыппыппыт».

Холонон көрүү иккис түһүмэҕэ түмүктэннэ. Бөдөҥ алмаастары буларга көмпүүтэр хараҕа ордук суолталааҕа дакаастанна. Күндү таас улахан аҥара наарданна. Маннык ньыма Саха Өрөспүүбүлүкэтин оҥоһуу өй Лабораториятыгар АЛРОСА үбүлээһининэн оҥоһуллубута. 

Татьяна Платонова, Оҥоһуу өй лабораториятын дириэктэрэ: «На текущий момент модель у нас обучилась достаточно хорошо. На имитациях она показывает более 96% качества. Т.е. находит 96% имитации, на которых мы проверяли ее работоспособность, и надеемся на будущее продолжение проекта, возможное масштабирование применения на фабриках».

Оҥоһуу өй байытыы эрэ түһүмэҕэр буолбакка алмааһы наардааһыҥҥа эмиэ туттуллар. Ол курдук АЛРОСА Дьокуускайдааҕы алмааһы атыылыыр тэрилтэтигэр 2018 сылтан өйдөөх наардыыр массыыналар үлэлииллэр. Манна алмаас таас хаачыстыбатынан, быһыытынан, өҥүнэн сыымайданар. 

Илья Суздалов, АЛРОСА Дьокуускайдааҕы алмааһы атыылыыр тэрилтэтин наардыыр сыаҕын 1 категориялаах эксперэ: «Биһиги “Алмазы Анабара” сырьетун оҥорор буолбуппут. Эмиэ аан бастакы үөрэтээһинтэн саҕаламмыта.  О.а. сортировщик ылар, эксперт, в илиитинэн биһиэхэ образец оҥорор. Ол образецтарынан биһиги классификатор оҥорбуппут уонна билигин син наардаан эрэбит үчүгэйдик».

Сыахха быһа холоон чааска 500-1000 карат алмаас наарданар. Үлэһиттэр бэлиэтииллэринэн, оҥоһуу өйдөөх массыына үлэни чэпчэттэ уонна түргэтэттэ. Бастакы холонуу үтүө түмүктээх буолла.