Саха сирин тыа хаһаайыстыбатын оҥорон таһаарааччыларын пуорумнара киэн далааһыннаахтык буолла

"Сила села" маннык тутуллаах пуорум аан бастакытын тэриллэр. Манна оҥорон таһаарааччы уонна сакаастааччы, атыылаһааччы үһүс сирэйэ суох уун-утары кэпсэтэр кыахтаах. Тэрээһин хомуур үлэтэ түмүктэммитин, кыстыка киирии саҕана буолбута эмиэ суолталаах. Форумҥа тыа хаһаайыстыбатын салаатыгар үлэлии-хамсыы сылдьар олохтоох оҥорон таһаарааччылар кытыннылар.  

Иван Максимов, "Хоту" ТХПК салайааччыта, Мэҥэ Хаҥалас улууһа: «Олохтоох бородууксуйаны  бүдьүөт тэрилтэтигэр, ыччаттарбыт доруобай аһы аһыырыгар диэн».

Горнай улууһуттан сылдьар фермер-оҥорон таһаараччы Вера Лиханова дьиэ кэргэнинэн бу хайысаҕа ылсан үлэлээбитэ 7 сыла. Бастаан пастила оҥоруутуттан саҕалаан баран билигин сублимация технологиятын баһылаан сир аһын, собону өр кэмҥэ хараллар бородууксуйа гына оҥорон таһаараллар. Холобура бу сублимацияны ааспыт дьэдьэн бэйэтин көрүҥүн, иҥэмтиэтин сүтэрбэт. Отону эмиэ бороһуок оҥорон морска, аска туттуохха сөп.

Вера Лиханова, фермер-оҥорон таһаарааччы, Горнай улууһа: «Биир куул собо бачча буолар. Собоҕо баар туох баар үчүгэйэ хаалар».

Онон олохтоох бэйэ аһа-үөлэ миэстэтигэр туттуллан, киэҥник тарҕанара пуорум сүрүн сыала-соруга. 

Анна Стручкова, СӨ тыа хаһаайыстыбатын миниистирин эбээһинэһин толорооччу: «Оҥорон таһаарар бородууксуйабытын ыраах сытар недропользователларга тиксэрэргэ уһун сроктаах ас наада холобур, ону биһи астыыр аспыт кыра сроктаах. Ону кинилэргэ сөптөөх ассортимент оҥорон кинилэргэ сакаастарын оҥоруохпут диэн бигэ эрэллээхпит».

Эт-үүт, балык ас, оҕуруот, килиэп, бурдук ас, кэнсиэрбэ оҥоруутунан дьарыктаначчылар бородууксуйаларын сөптөөх усулуобуйаҕа эппиэттир гына, итиэннэ ону ситиһэргэ көдьүүстээх үлэ-хамнас барарын туруорсаллар. Порум биир бэлиэ түгэнэ. Бэйэ бурдугун оҥоруунан дьарыктанар Уус Алдантан сылдьар Биэттэ Агро тэрилтэ Дьокуускайдааҕы килиэп кэмбинээтин кытта бииргэ үлэлииргэ сөбүлэҥ баттастылар. 

Василий Сивцев, "Биэттэ-Агро" тэрилтэ бэрэстэбиитэлэ, Уус Алдан улууһа: «Билигин производство саҕаланаары турар. Бурдук мунньуллан дуогабар түһэрсэн тиксэрэн саҕалыахпыт».

Поурумҥа саха фермерадара бэйэлэрин бизнестарын АЛРОСА, ЯТЭК, Эльга курдук бөдөҥ промышленнай хампаанньаларга, рестораннарга, атыы-эриэн ситимнэригэр, балыыһаларга, оскуолаларга, социальнай тэрилтэлэргэ тиксэрэн бородууксуйаларын кэҥэтэр, сайыннарар туһунан быһаччы кэпсэттилэр.