Өрөспүүбүлүкэҕэ дьаҥ ыарыытын көрдөрүүтэ күннэтэ үрдүү турар

Дьокуускайдааҕы 12 №-дээх оскуолаҕа харантыын саҥа буттэ. Балаҕан ыйын 16-22 диэри үөрэнээччилэр дьиэлэригэр олорон куйаар ситимин нөҥүө үөрэннилэр. Оҕолор оскуолаҕа киириэхтэрин иннинэ үтүөрбүттэр диэн справканы көрдөрүөхтээхтэр. Онтон үөрэх ситимэ быстыбатын туһугар учууталлар тус болҕомтолорун ыалдьыбыт оҕолорго аныыллар.

Ульяна Крылова, Дьокуускайдааҕы 12-с нүөмэрдээх оскуола алын кылааһын учуутала: «Көрдөрө барабыт диэн көҥүллэтэн бараллар, онтон нөҥүө күннэригэр үөрэнэллэр. Ол аата кинилэр ситимнэрин быспаттар».

Ыарыы бэргээбэтин туһугар санитарно-эпидемологическай ирдэбиллэри тутуһуу: перемена кэмигэр кылааска түннүгү арыйан салгылатааһын, күн ахсын үөрэнээччилэр температураларын кээмэйдээһин уонна микробтан ыраастааһын үлэтэ барыахтаах. Балаҕан ыйын 14 күнүттэн киин куорат оскуолаларыгар "Совигриппынан" привывкалааһын саҕаламмыта.

Ньургуяна Колодезникова, Дьокуускайдааҕы 40-с нүөмэрдээх оскуола фельдшера: «Актуальнай штамм А уонна Б утары буолар. Иммунитет икки нэдиэлэнэн үөскүүр».

Оскуолаҕа биир кылаас иһигэр 30 быраһыан үөрэнээччи ОРВИнан ыарыйдахтарына харантыыҥҥа ыытыллаллар. Ыарыы бэргиир кэмигэр оҕолор кырдьаҕастар уонна хроническай ыарыылаахтар тус сэрэхтэх буолуохтаахтар.

Таисия Черепанова, Дьокуускайдааҕы 1-кы нүөмэрдээх балыыһа эпидемиолог бырааһа: «В зоне риска уһуйаантан саҕалаан устудьуоннарга дылы, үөрэх эйгэтигэр үлэлиир дьон уонна пенсионердар».

Онон төбөҕүт ыалдьар, күүскүт аччаабыт, сөтөллөр буоллаххытына балыыһаҕа көрдөрүнэр олус суолталаах. Тэрилтэлэргэ, оҕо уһуйааннарыгар фелдьшердар айанныы сылдьан привывкалары биэриэллэр.

Күн бүгүн Дьокуускай куорат үрдүнэн бары оскуола үлэлии турар, харантыыҥҥа толору барбыт суох. Оттон ыалдьар оҕо элбиир түгэнигэр, кылаас дистанционнай үөрэххэ көһөр.