Өрөспүүбүлүкэҕэ сэллиги утары охсуһар, доруобай тыҥа тула нэдиэлэтэ барар

Өрөспүүбүлүкэтээҕи сэллик ыарыытын үөрэтэр, чинчийэр кииҥҥэ үлэ күөстүү оргуйар. Манна 100 тахса киһи стационарга сытаннар эмтэнэлллэр. Бэрт соторутааҕыта анал исписэлиистэр бары тэҥэ дьүллэстилэр, араас ыарыы холобурдарын ырыттылар, уопуттарын атыстастылар. Аныгы кэмҥэ флюрография, компьютернай томография көмөтүнэн өр кэмҥэ бэйэтин биллэрбэт ыарыыны эмптиир олус чэпчээтэ дииллэр.

Анна Лукина, Өрөспүүбүлүкэтээҕи сэллик ыарыытын үөрэтэр, чинчийэр киин сэбиэдиссэйэ: «С пневмониями и с ОРВИ обязательно флюрографическое обследование. У нас существует медицинская социальная группа риска заболевания, и поэтому мы берем мокроту на микобактерии туберкулеза у группы слоев населения».

Тыҥа ыарыыларыттан саамай куутталаахтара туберкулез буолар. Сыл ахсын бу диагноһынан ыалдьар дьон аччаан иһэр. Ол эрэн ыарыы бэйэтин биллэрбэт буолан сыл ахсын флюрографияны ааһар олус суолталаах.

Тыҥа ыарыыта элбэхтэ уонна уһуннук табахтааһынтан эмиэ үөскүүр. Искэҥинэн ыалдьааһын быраһыана үрдүү турар. Ону тэҥэ статистика көрдөрөрүнэн астманан ыалдьааһын эмиэ балтараа төгүл элбээбит. 

Татьяна Барашкова, Дьокуускайдааҕы 3-с нүөмэрдээх балыыһа пульмонолог бырааһа: «Появляются белые пятна, это уже туберкулезное. Это уже распад легочной ткани. Пациент не проходил ФЛГ с 2023 года».

ОРВИнан уонна грипптээн ыалдьыыны уустугуннаран кэбистэххэ сэбиргэхтэтиигэ тириэрдиэн сэп. Оскуола оҕолороругар, кырдьаҕас саастаах дьоҥҥо эрдэттэн харыстанан быһыыны ылар ордук. Ыалдьыбат туһугар чөл олоҕу тутуһар, сибиэһэй салгынынан тыынар көмөлөһөр.

Анатолий Сивцев, Өрөспүүбүлүкэтээҕи сэллик ыарыытын үөрэтэр, чинчийэр киин дириэктэрин солбуйааччы: «Бронхиальнай астма ыарыылаах дьоннор учуокка тураллар. Ол аата, урукку кэмҥэ 8000 киһи турар буоллаҕына, билигин номнуо 12000 киһи турар».

Аныгы үйэҕэ сэллик ыарыы көрдөрүүтэ эмчиттэр күүстэринэн лаппа кыччаабыт буоллаҕына, аны быраастар иннилэригэр искэҥ ыарыытын кыайар сыал турар.