Дьаамсыктар историяларын үйэтитии

Хас эмэ сыллар аннараа өттүгэр дьаамнар тутта сылдьыбыт маллара-маллара, иһиттэрэ-хомуостара бу баардыы тэлгэнэн сыталлар. Оттон бу куорат таһынааҕы эргэ Табаҕа - уруккута дьаамнар ыстаансыйаларын кэрэһитэ  - кыраайы үөрэтэр түмэлэ буолар.

Дьаам сыдьаана Светлана Иванова тустаах түмэли тутан-хабан, харайан олорор. Билигин бу мусуойга тыһынчанан сэдэх экспонат баар. Кинилэр көҕүлээһиннэринэн, куораттааҕы култуура салалтата өйөөһүнүнэн дьаамсыктар уһаайбалара ураты бырайыак олоххо киирэн эрэр.

Нюргуяна Ушницкая, Дьокуускай куорат уокуругун норуот айымньыларын  киинин салайааччытын солбуйааччы: «Култуура эйгэтигэр улахан хамсааһын уонна сабыдыал быһыытынан биһиги ылынабыт, тоҕо диэтэххэ 2024 сыллаахха биһиги бырагыраама оҥорбуппут. Ол бырагыраамабытыгар креативнай, аныгылыы олох тэтиминэн култуура сынньалаҥ дьилэригэр эйгэлэри арыйыахтаахпыт».

25 биэрэстэ чахчы ураты бырайыак буолар. Дьаамнар Саха сиригэр кэлэн хайдах тэнийэн, олохсуйбуттарын көрдөрөр буолуоҕа. Дьаамсыктар култууралырын пятилеткатыгар бу улахан бэлэх.

Алексей Осипов, "Табаҕа" МТ баһылыга: «Ямщицкай подворье пааспара баар. Манна мыраан анныгар баар сиргэ сайабылыанньа ыыппыппыт. Онно үлэ бара турар. Куораппыт 400 сылын туоларыгар этнокомплекспыт олоххо киириэхтээх».

Табаҕа дьаамсктарыгар бу бэлиэ түгэн. Бырайыак толору олоххо киирдэҕинэ манна араас тэрээһиннэр ыытыллыахтара

Светлана Иванова, "Кедр" култуура дьиэтин салайааччыта: «У нас появится новое пространство, мы будем принимать гостей. Будем заниматься мастер-классами. У нас появится подарок городу поближе. У нас есть комплексы музейные на Еланке, но далеко ехать».

Билигин дьаамнар култуураларын 5 сылынан Өлүөхүмэ, Хаҥалас, Уус-Майа уонна Ленскай оройоуннарыгар бу курдук араас таһымнаах үлэлэр ааһаллар.