Быйыл олохтоох көҕүлээһини өйүүр быраграма төрүттэммитэ уон сыла

3000 тахса олохтоох нэьилиэнньэ бэйэтэ туруорсубут бырайыактара олоххо киирэн олорор усулуобуйа тубуста диэн тылларынан биир бэлиэ тэрээьин саҕаланар.  Дьокуускай куорат классическай гимназиятыгар бу күн үеруулээх кун тосхойдо тереппуттэр, улэьиттэр биир сомоҕо буолан туруорсбут кыьылаҕалар быьаарыллан оскуола таьыгар уулуусса уотугар уонна суолга анаммыт улэлэр ыытылыннылар.

Олохтоох көҕүлээһиннэри өйөөһүн бырагыраама Саха сиригэр үлэлээн саҕалаабыта быйыл үбүлүөйдээх 10 сыла. Бу сыллар устата өрөспүүбүллүкэ бары муннуктарыгар дьон олорор усулубуойатын тупсарарга туһуламмыт 7 млрд солкуобай сууммалаах үлэлэр ыытылыннылар. Улууустар, нэһилиэктэр, тэрилтэлэр бу бырагыраамааҕа көхтөөхтүк кыттан тыҥаан турар кыһалҕаларын быһаараллар. Холобура, тустаах гимназия тиэргэнигэр болҕомтотун уурда.

Лариса Худаева, Дьокуускай куорат 8№-дээх классическай гимназиятын дириэктэри иитэр үлэҕэ солбуйааччы: «ППМИ бырагырааматынан биһиги аан бастаан кыттабыт уонна улахан сууммалаах граан сүүйэммит оскуолабыт тиэргэнин саҥартыбыт. 7 уот лаампата, оскуола иннинээҥҥи билииккэ саҥардылынна уонна икки суол аспаалланна».

Төрөппүттэр туруорсаннар инициативнай бөлөх тэриллэн, былаан оҥоһуллан, бырайыак суруллан, бу бырагыраамаҕа кыайыы өрөгөйө тиийэн кэлэр. Мөллүйүөнүнэн сууммаалаах үлэни үөрэх кыһата олохтоох дьаһалтаны уокуругу кытары биир ситимнээхтик үлэлээн олоххо киллэрбит.

Светлана Павлова, "Октябрьскай уокурук" салайааччытын солбуйааччы: «Октябрьскай уокурук баар тэрилтэлэри бу бырагыраамаҕа кытталларыгар көмөлөһөбүт, сайаапкаларын хомуйаммыт ыытабыт, үп-харчы министиэристибэтигэр ыытабыт уонна сайаапка толороллоругар көмөлөһөбүт».

Тустаах бырагыраама сыллата балаһынньаата уларыйар. Кэҥээн-сайдан иһэр.

Иван Алексеев, СӨ үп-харчы миниистирин эбээһинэһин толорооччу: «Бырагыраамабытын кэҥэтэн иһэбит. Ол курдук, оскуола оҕолорун инициативнай бюджетированиета киирбитэ, онтон устудьуоннарга анаммыт бырагырааама, уонна былырыыҥҥаттан успуорт уонна физическэй култуура тэрээһиннэрэ биһи бырагырааманан үлэлиэн сөп. Эһиил финансовай грамотнаһы тупсарарга эбии тэрээһиннэри биһи бэйэбит бырагыраамабытынан ыытыахпыт».

Манна даҕатан эттэххэ, 10 сыл иһигэр өрөспүүбүлүкэ үрдүнэн 3200 бырайыак олоххо киирдэ. Бу хайысхаҕа үлэ өссө да бара турар.