Горнайдар Бэрдьигэстээх нэһилиэгин күнүн сэргэхтик бэлиэтээтилэр

Бэрдьигэстээх нэһилиэнньэтин ахсаана 7 тыһ. тахса диэн ааҕыллар, атыҥыраабат, ыалдьытымсах нэһилиэккэ,  урут уруккаттан  дьон-сэргэ  ыраахтан чугастан кэлэн сөбүлээн олохсуйар сирэ буолар, онон  Бэрдьигэстээҕи дойду оҥостубуттар үгүстэр, биир оннук киһинэн нэһилиэк сис ыалын аҕа баһылыга Василий Слепцов буолар, кини ааспыт үйэ 1980 сылларын саҥата булуҥ улууһуттан  кэлэн оскуоланы бүтэрбит.

Василий Слепцов, Бэрдьигэстээх олохтооҕо: «1982-83 сыллаахха манна үөрэнэ кэлбитим. Онон бэрдьигэстээх курдук сананабын, ырааттаҕҕа дии олорбутум».

Сквергэ сүрүн тэрээһини кытары, көмүс күһүн бэлэҕэ диэн нэһилиэк түөлбэлэрэ атыы быыстапка туруордулар, манна түөлбэлэр көхтөөх олохтоохторун көмөтүнэн күһүҥҥү быйаҥтан бэйэ бородууксуйата атыыланна. Кэлиҥҥи сылларга сэлиэнньэ биллэ сэргэхсийэн, араас тутуулар бараннар, эдэр ыччат өттө киэн тутта Бэрдьигэстээҕин кэпсиир буолла

Дархан Константинов, Бэрдьигэстээх олохтооҕо: «Төрөөбүт сирбитин сөбүлүүбүт, айылҕатын. Манна үөрэнэбит, олоробут уонна олохсуйаары гынабыт бэйэбит».

Күн ортотуттан сүүрүк диэн аатынан Бэрдьигэстээх полумарафона ыытылынна, манна сүүрүүктэр 5 араас дистанцияҕа сүүрдулэр, тэрээһиҥҥэ анаан, бөһүөлэк иһинэн ааһар федеральанай трасса икки салаа уулуссата бириэмэҕэ сабылла сырыттылар

Ирина Осипова-Кондакова, РФ спордун маастара, "Бегомир" сүүрүү кулуубун төрүттээччитэ, тренерэ: «Бу забег сыл аайы буоларын көрдөһөбүт. Куруутун кэлэн көмөлөһүөхпүт. Билигин Горнайтан ынырык элбэх киһи кытынна».

Ыччаттарга уонна оҕолорго брейк-данс үҥкүү көрүҥэр Дьокуускайтан Дьулустаан Сантаев маастар-кылаас ыытта, ону тэҥэ Чыпчаал стадиоҥҥа үтүө үгэс быһыытынан нэһилиэк баһылыгын куубагар оҕолорго футбол ыытылынна. Манна барыта 8 хамаанда кыттыбытыттан, Мытаах бастаата, Мохсоҕол 2 бэргэн уһус буоллулар

Алексей Аргунов, Бэрдьигэстээх нэһилиэгин баһылыга: «Бу барыта нэһилиэкпит олохтоохторугар анаан, Бэрдьигэстээхпитин таптыы, харыстыы, Горнай улууһун сайдарын туһугар туоһуламмыт тэрээһиннэр».

Маны тэҥэ күөрэй оноҕоһум диэн төрүт оҕунан ытааччыларга хамаанданан  3 түһүмэхтээх  күрэхтэһии буолла.

Власий Капитонов, оҕунан ытыы күрэхтэһиитин кыттааччыта: «Саҥа көрүҥ буолан бастакыларын холуналлар. Бырааһынньык күнүнэн итии-истиҥ эҕэрдэ Горнай улуус Бэрдьигэстээх нэһилиэгэр».

Бу курдук сэргэх сэлиэнньэ олохтоохторо Бэрдьигэстээхтэрин күнүн  бэрт сэргэхтик  уонна түмсүүлээхтик аһаҕас халлаан анныгар сылдьан аралдьыйан атаардылар.