Дьокуускай куоракка үгэс буолбут "Гражданскай форум" үлэтин ыытта

Бырабытылыстыба бэрэссэдээтэлин солбуйааччы Ольга Балабкина аан тыл этэн, Дойдубут сайдыытыгар туора турбат, ис сурэхтэринэн ыалдьар дьоммут общественниктар түмсэр мунньахтара арыллар. Быйылгы Гражданскай пуорум уопсастыбыннай палаата төрүттэммитэ 15 сылыгар ананна.

Үгэскэ кубулуйан пуорум 2 күн устата ыытыллынна. Бу кэм устата хас да былассааккаанан, ол эбэтэр Доруобуйа, анал байыаннай дьайыы, култуура, дьиэ кэргэҥҥэ өйөбүл, уопсасытыбыннай кэтээн көрөөччүлэргэ ананан үлэлээтэ. Маныаха судаарыстыбыннай грааннарга сайаапканы сөпкө биэриигэ үөрэх үгүс киһини түмтэ. Ыраах Булун улууһуттан кэлэ сылдьар, Бороҕон нэһилиэгин баһылыга Вера Стручкова грааннары ылыыга туох уларыйыы киирбитин тиийэн бэйэбит дьоммутугар үөрэтиэхпит диэн санаатын үллэһиннэ.

Вера Стручкова, форум кыттыылааҕа: «Сайаапка биэрэргэ туох да ыарахана суох. Сүрүнэ барыта исписэлиистэргэ үөрэтэн, улуус кыттыан наада, оччоҕуна сайаапкаларбыт үлэҕэ киирэннэр биһиэхэ көмө буолуохтара этэ».

Чахчы форумҥа общественниктар эрэ буолбакка, нэһилиэк баһылыктара кыттыыны ыллыллар. Манна сүрүнэ былаас уонна гражданскай уопсастыба хайдах үлэлэһиэҕин торумнаатылар.

Владимир Текеянов, "Одуну" МТ баһылыга: «Саҥа 33 федеральанй сокуон олоххо киирбититтэн бу түмсүүлэр, түөлбэлэр сабыдыаллара тыа сирин олоҕор күүһүрэрэ эрэйиллэр. Онно биһиги дьаһалталар хайдах сөпкө үлэлиирбитин толкуйдуохпутун наада».

Быйылгы пуорум Арассыыйаҕа ноурот сомоҕолоһуутун сылыгар ананан - Өрөспүүбүлүкэбит култутуратын, норуотун үгэһин, чөл туругун харыстыыр диэн девииһинэн ыытылынна. Онон биир бас-көс миэстэни култуура былассааката ылла.

Алима Павлова, "Общественнай палаата" чилиэнэ: «Култуура уонна оскуола тыа сиригэр сайдыытын диэн боппуруостаах пуорумҥа киирэн кыттыыны ыллым. Араас улуустартан кэлэннэр интириэһиргиир боппуруостарыгар эппиэт ыллылар, уопут атастастылар».

Форум чэрчитнэн сыл устата үтүө суобастаахтык, Өрөспүүбүлүкэбит сайдыытыгар бэйэлэрин кылааттарын уурубут общественниктары, волонтердары, бу эйгэҕэ үлэлии-хамсыы сылдьар дьону наҕараадалатылар. Маны кытары кинилэр туруорсар боппуруостарын дьүүллэстилэр, ырыттылар.