Анал байыаннай дьайыыга бараары "Боотур" 43 этэрээтэ дьарыктарын үгэнэ

Броник, каска кэтиллэн үөрэх саҕаланар. Анал байыаннай дьайыыга бараары "Боотур" 43 этэрээтэ дьарыктарын үгэнэ. Уссуйаана улууһун Туматын биир хорсун-хоодуот уола ийэ дойдутугар ытык иэһин төлүү бараары сылдьар.

Айсам: «Кыайыы биһиэнэ буолуо, эрэллээхпит биһи бары. Уусуйаана улууһугар уруй-айхал диэхпин баҕарабын».

2022 сыллаахха Боотурдар байыаннай дьайыыга бэлэм буолар соруктаах үөрэтэр киини бэйэлэрин уораҕайдарын иһинэн арыйыбыттара. Бу кэмтэн ыла 40-тан тахса этэрээт тэриллэн барда. Билигин манна бойобуой дьайыыларга сылдьыбыт байыастар уопсайа 7 инструктор, бараары сылдьар уолаттары үөрэтэллэр.

Манна холобура, Тюмень куоракка, Чечня Гудермеһыгар тактическай медицинаҕа спецназ оскуолатын ааспыт байыастар инструктордыыллар. Байанныай балаһыанньаҕа хайдах бэйэни уонна бойобуой табаарыһы быыһыырга ымпыктаахытык үөрэтэллэр. Уолаттар мантан олох бэлэм тиийиэхтээхтэр.

Таай, байыаннай тактическай медицинэ инструктора: «Хаан тохтор кэмигэр илиинэн сөптөөх туочуканы баттаан тохтотортон саҕалаан, жгуту, туриникеты ханна хайдах табыгастаахтык туруорары, уларытыыны, улахан осложненияттан куоттарар үлэлэри сатыахтаахтар».

Дьиҥ онно сылдьардыы усулуобуйаны манна тэрийэ сатыыллар. Ытыы дьарыктара "Сулус" полигоҥҥа ыытылаллар. Боотурдар 1 ый кэриҥэ курдук бэлэмнэниини ааһаллар.

Василий Киров, "Чока" – "Боотур" этэрээт байыаннай үөрэтэр киинин салайааччытын солбуйааччы: «Сарсыарда 9:00 киэһээ 17:30 дылы хас күн аайы манна кэлэн дьарыктаналлар. Сарсыардаттан физподготовка, эбиэккэ дылы тактика онтон теория уонна мэдиссиинэ».

Күн бүгүн номнуо 10 киһиттэн турар 43 этэрээт хомуллан барыаҕа, ол кэнниттэн салгыы өссө уолаттар барыахтара. Уопсайа 30 Боотур.