Михаил Мишустин Саха сиригэр онкологическай диспансерга уонна Үлэ кыбаарталыгар сырытта

Арассыыйа Бырабыытылыстыбатын Бэрэссэдээтэлэ Михаил Мишустин Саха сиригэр үлэ сүнньүнэн сырыытыгар биир бастакынан онкологическай диспансерга сырытта. Кини онкологияны эмтиир киин хааччыллыытын, усулуобуйатын үрдүктүк сыаналаата. Маны тэҥэ Үлэ кыбаарталыгар сылдьан  саҥа технологияны олоххо киллэриини көрдө. Сиһилии кэлэр сюжетка көрүҥ.

Дойду бырабыыталыстыбатын бэрэссэдээтэлэ Михаил Мишустин онкология киинин техническэй хааччыллыытын билсэр. Премьер миниистиргэ өрөспүүбүлүкэ иһигэр үлэлиир биир кэлим информационнай систиэмэни иһитиннэрэллэр. Бу ситим иһинэн оҥоһуу өй кыаҕын туһанан ыарыыны эрдэ быһаарыы ситиһиллибит, итиэннэ эмтээһин хаамыыта түргэтээбит. Киин икки сыллааҕыта олоххо киирбитэ. Бу кэмтэн ыла искэҥи эмтээһин, чуолаан хирургия салаатыгар, таһым биллэ үрдээтэ.

Татьяна Николаева, СӨ онкологическай диспансерын кылаабынай бырааһа: «С открытием нового корпуса стали доступны такие высокотехнологичные операции, как трансартериальная химиоэмболизация. Этот метод мы внедрили в 2025 году и уже провели 103 манипуляции».

Ити курдук "Доруобуйа харыстабыла" национальнай бырайыак иитинэн тутуллубут балыыһа үлэлиэҕиттэн үрдүк технологиялаах медицинэ көмөтүн оҥоруу 3,7% үрдээбит. Салгыы Михаил Мишустин кииҥҥэ эмтэнэр дьону кытта  кэпсэттэ.

Көрсүһүү түмүгэр Бырабыыталыстыба бэрээссэдээтэлэ Саха сиригэр медициинэ сайдыытын бэлиэтээтэ, олох олоруу орто кээмэйин үрдэтиигэ ыытыллар үлэни күүһүрдэри тоһоҕолоото. 

Михаил Мишустин, РФ Бырабыыталыстыбатын бэрэссэдээтэлэ: «Очень важно до конца довести все проекты, цели поставлены, конечно, продолжительность жизни, здоровый образ жизни, то, что касается объектов здравоохранения, надо закончить все начатые стройки. У нас сданы около 17 объектов и в стройке 9. Вы сказали о важной Нерюнгринской больнице, обязательно поможем».

Аны сыыппара кыаҕын киинэни оҥорууга туһаныы. Саха сиригэр маҥнайгытын фантастика жанрыгар "Орбита" диэн киинэ уһуллар. Оттон декорацията Үлэ кыбаартала креативнай кластер дьоҕус устуудьуйатын иһигэр көмпүүтэргэ таҥыллар.

Дмитрий Кольцов, "Орбита" киинэ режиссера: «Мы пришли к новому формату съёмок, и графику, которая делается обычно на постпродакшене, мы делаем перед тем, как начнём снимать основные сцены, потому что мы используем студию виртуальных декораций, в которой вся эта компьютерная графика сразу выводится на экраны».

Премьер миниистир салгыы "Үлэ кыбаартала" креативнай кластерга үлэтин салгыыр. Уһук Илиҥҥэ соҕотох кластер сайдыытын бэлиэтээтэ. Чуолаан бу иннинэ сырыытыгар саҥа үлэлээн саҕалаабыт "Экстра синема" тэрилтэ кэҥээбитин хайҕаата. Күн бүгүн Үлэ кыбаарталыгар 230 резидент үлэлиир, 3 сыл иһигэр 1,8 миллиард дохуот киирбит. 

Михаил Мишустин Саха сиригэр үлэтин түмүгүнэн Ил Дархан Айсен Николаевы кытта кэпсэттилэр. Өрөспүүбүлүкэ баһылыга Премьер миниистиргэ "Арктика синергията" курдук бөдөҥ инфраструктурнай бырайыагы өйөөбүтүгэр махтанна.

Михаил Мишустин, РФ Бырабыыталыстыбатын бэрэссэдээтэлэ: «Без интернета в труднодоступных районах будет сложно. Правительство поддерживает поручение Президента по созданию широкополосного интернета по всей стране. Около 5,5 млрд будет вложено в том числе для создания интернета в дальних уголках Якутии».

Оптоволоконнай ситими тардыыга 5,5 миллиард кэриҥэ үп дойду бүдьүөтүттэн көрүллүөҕэ, оттон аҥаарын өрөспүүбүлүкэ уйунуоҕа.