Ууга сэрэхтээх буолуу ыйынньыга Өрөспүүбүлүкэ үрдүнэн ыытылла турар

Өлүөнэ эбэ усталаах-туоралаах 70 км иэннээх сирэ Жатайдааҕы алын суудуналарга инспекция хонтуруолугар. Манна киин куорат, Жатай бэйэтэ, Тулагы-Киллэм, Уус-Алдан, Мэҥэ-Хаҥалас суудунаны ыытааччылара тоҕуоруһан устар сирдэрэ. Онон уунан сырыы манна үгүс. Бэрэбиэркэ да күүстээх.

Тутатына балыксыт харыстанар сэлиэччигэ суох сылдьара тохтотулунна. Суудунаны ыытааччы сэлиэччигин кэтэн салгыы бэрэбиэркэ саҕаланар. Күн аайы кэриэтэ Өлүөнэ эбэҕэ сылдьан балыктыыр киһиэхэ бу эйгэҕэ сокуону кэспит түбэлтэтин иниспиэктэрдэр буллуллар.

Оҥочолор 5 сыл буола буола техническэй кэтээн көрүүнү ааһыахтаахтар, бу өҥө буор босхо. Хомойуох иһин суудунаны ыытааччы 2018 сыллааха техосмотрун ааспыт. Сокуон быһыытынан маннык суудуна ууга тахсыа суохтаах. Бу административнай кэһиинэн ыстыраап 5000 тыһ. солкуобайга тэҥнэһэр.

Салгыы устуу салҕанар. Өрөбүл күн буолан өрүскэ сырыы үгүс. Иниспиэктэрдэр суудунаны ыытааччылары тохтотоннор бэрэбиэркэ эрэ буолбакка, профилактическай - сэрэтэр кэпсэтиилэри ыыттыллар. Онтон маннык киэҥ хабааннаах сири тайаан үлэлииргэ инспекцияҕа соторутааҕыта турбут оборуудабанньа көмө буолар.

Иван Гладков, ЫБММ алын суудуналарга судаарыстыбыннай иниспиэксийэтин Жатайдааҕы салаатын судаарыстыбаннай иниспиэктэрэ: «Видеокамеры поставлены на крыше, они работают в режиме 360 градусов. Также у нас установлен гидролокатор. Потом у нас есть тепловизор для ночных выездов».

Саҥа сүүрээн киллэрии үлэбитин чэпчэттэ диэн 4 сылын бу эйгэҕэ үлэлии сылдьар Иван Гладков кэпсээтэ. Билигин сайын уу аала элбэх кэмигэр бу тэрил туһалаҕын дакаастата.

Онтон маннык риэйдэбэй тэрээһиннэр навигация кэмэ бүтүөр диэри ыытыллыахтара. Онтон бүгүҥҥү тэрээһиҥҥэ 10 тахса суудунаны ыытааччы бэрэбиэркэлэннэ.