Алын суудуналарга инспекция хайысхатыгар билигин үлэ күүһүрэн турар

Тутатына кытылтан аҕыйах миэтирэ айаннаат даҕаны иниспиэктэрдэр көҥүллэммэтэх сиринэн уста сылдьар суудунаны көрдүлэр. Судаарыстыбаннай иниспиэктэрдэр тохтото сатаабыттарыгар истибэккэ бара турбут уу аалын нүөмэрэ, серията биллэн салгыы бу суудунаны ыытааччыны бэрэбиэркэҕэ ыҥырыахтара.

Бу курдук Дьокуускайдааҕы ГИМС иниспиэктэрдэрин салаатын үлэһиттэрэ күннэтэ оперативнай-риэйдэбэй тэрээһиннэрин ыыталлар. Сүрүн болҕомто  - уу алын техническэй туругар, докумуоҥҥа уонна харыстыыр сэлиэччиккэ ууруллар. Салгыы тохтотуллубут суудунаҕа эмиэ кэһии булулунна.

Ол курдук, тохтотуллубут суудуна олох даҕаны ууга устар бырааба суоҕа билиннэ. Онон бу суудунаны ыытааччыны төптөрү төннөрүгэр этэн, сарсын инспекция салаатыгар кэлэн бортокуолу, ыстыраабы төлүүргэ соруйдулар. Онтон бу маннык суудуна техническэй туруга соччото суох, сэлиэччигэ суох айан дьалаҕай сыһыанытттан күннэтэ ууга араас түбэлтэлэр тахса тураллар.

Татьяна Степанова, ЫБМ СӨ салалтатын уу эбийиэктэригэр куттал суох буолуутугар салаатын салайааччытын солбуйааччы: «Сыл саҕаланыаҕыттан 17 киһи олоҕо ууга былдьанна, 15 өрөспүүбүлүкэ оройуоннарыгар. Бу иһигэр 4 оҕо киирэр, Сунтаар, Мииринэй, Булуҥ, Таатта оройуоннарыгар. Алын суудунаннан сылдьан быраабыла кэһээччилэргэ административнай эппиэтинэс көрүллэр»

Билигин маныаха улахан болҕомото балыксыттарга ууруллар. Бүгүҥҥү тэрээһиҥҥэ Дьокуускай куорат олохтооҕун Василий Гурьевы тохтотон профилактическай кэпсэтиини ыыттыллар.

Василий Гурьев, Дьокуускай куорат олохтооҕо: «Сэлиэччикпин массыынабар умнан кэбиспиппин»

Бу курдук күннэтэ риэйдэбэй-оперативнай тэрээһиннэр тиһигин быспакка бара туруохтара. Профилактическай сэрэтэр үлэлэр эмиэ.