Өрөспүүбүлүкэҕэ ойуур баһаарынан 3 улууска ыксаллаах быһыы-майгы эрэһиимэ салҕанар

Эдьигээн улууһугар ойуур баһаардарыттан ыксаллаах быһыы-майгы. Барыта 16 сиргэ уот күөдэпчилэнэр. барыллаан ааҕыынан 150 гектар диэн, ол эрэн сорох сирдэринэн буруота олус хойуу буолан чопчу иэн баһыыралла илик. Маннык уустук балаһыанньа аҕыйах хонуктааҕыта буолбут кураанах этиҥтэн таҕыста. Олохтоох Авиалосоохрана этэрээтин байыастара 5 улахан уоту утары охсуһаллар. Кинилэргэ көмөҕө диэн 5 улуустан кэллилэр.

Дмитрий Татаринов, Эдьигээн улууһун баһылыгын бастакы солбуйааччы: «Үлэбит биэс баһаарга буола турар. Оройуоммутугар Тааттаттан, Кэбээйиттэн, Ньурбаттан, Бүлүүттэн, Үөһээ Бүлүүттэн үлэһиттэр кэлэн үлэлии сылдьаллар. Бөһүөлэкпит иһигэр бэлэмнэнии буола турар. Нэһилиэнньэбитин бэлэмнээтибит. Туох баар наадатын хааччыйан олоробут».

Эдьигээҥҥэ уопсайа 111 быһааччы үлэлиир. Улахан баһаартан саамай нэһилиэнньэлээх пууҥҥа чугастара 17 килэмиэтирдээх сиргэ баар. Оттон өрөспүүбүлүкэҕэ биир сууккаҕа 12 саҥа бааһаар. Бу күннэргэ уот турар саамай үрдүк кутталлаах күннэрэ тураллар. Уопсайа 60 тахса сиргэ күөх тыаны баһаар сиир. Онон салгынынан, сиринэн, спутнигынан кэтээн көрүү күүһүрэр. 22 лесничество сирин-уотун авиация көмөтүнэн күннэтэ кэтииллэр. 

Алексей Цой, "Авиалесоохрана" тэрилтэ парашютнай-десантнай  сулууспа инструктора: «Күн аайы араас оройуоннарынан патрулирование буолар. Үс оройуоҥҥа ЧС, 18 оройуонна особый противопожарный режим».

Күн бүгүн уоту утары 300 тахса Авилосоохрана байыаһа үлэлиир. Суһаллык умуруорууга итиэннэ тиэхиньикэ тиийбэт сирдэригэр 5 бөртөлүөт көтөр. Билигин тахсар ойуур баһаардарын сүрүн төрүөтэ - кураанах этиҥ. Маныаха өрөспүүбүлүкэ үрдүнэн хаһааҥҥытааҕар да куйаас күннэр тураллар. 30 тахса кыраадыс үгүс улууска бэлиэтэннэ. Халлаан билигин да сөрүүдүйэр сибикитэ суох. Күнү-дьылы кэтээн көрөөччүлэр от ыйын өҥүрүк куйааһа өссө сатыылыырын сабаҕалыыллар.

Татьяна Маршалик, күнү-дьылы кэтээн көрүү Дьокуускайдааҕы салалтатын салайааччытын солбуйааччы: «Пик жары — это +31, +36, ближайшие трое суток мы ожидаем почти по всей территории центральных, заречных, южных районов. Всегда жара и понижение температур сопровождаются такими явлениями, как грозы, ливни, шквалистые усиления ветра, поэтому такие явления мы тоже будем ожидать».

Онон нэдиэлэ бүтүүтэ куйаас арыый да намтыа  диэн күнү-дьылы кэтээн көрөөччүлэр этэллэр.  Бастаан утаа арҕаа улуустарга сөрүүдүйүө.