Дьокуускайга бүтүн Арассыыйатааҕы эдэр библиотекардар 12 форумнара саҕаланна

Дьокуускайга бибилэтиэкэ үлэтигэр дойду бастыҥнара муһуннулар. Эдэр эрчимнээх, бу үлэҕэ саҥалыы көрүүлээх исписэлиистэр уонна кинилэр уһуйааччылара. Бу быйылгы пуорум саҥа сүүрээнэ. Эрдэ эдэрдэр эрэ мусталлара. Тэрээһин үөрүүлээх аһыллыытыгар бэлиэтэммитинэн Саха сирэ бу хайыскаҕа инники.

Ньургуйаана Решетникова, Дьокуускай куорат бибилэтиэкэлэрин ситимин дириэктэрэ: «Арассыыйаттан хаалсыбакка сайда турабыт. Холобур цифровизация киирэ турар, саҥа ааҕааччылары хайдах обслуживайдыыр ньымалар бааллар. Хайдах эдэр ыччаты ааҕыыга угуйуохпутун сөбүй диэн кэпсэтиэхпит».

Бу маны тобулууга 18 регионтан 250 тахса эдэр бибилэтиэкэр муһунна. Манна хас биирдии кыттааччы уһулуччу, олоххо ситиһиилээхтик киирэн үлэлии сылдьар бырайыактаах.

Августина Пермякова, Уус Алдан улууһун Баатаҕай нэһилиэгин бибилэтиэкэтин сэбиэдиссэйэ: «Биһи хас да хайысханан үлэлиибит. Кыраайы үөрэтиигэ тыа сирин түөлбэлэрэ ордук уурабыт. Бэйэм нэһилиэгим элбэх ытык бэлиэ миэстэлээх, биллэр дьоннордоох ол туһунан карта оҥорбутум ыалдьыттарга диэн».

Ыччат бибилэтиэкэҕэ интэриэһин тардыы сыыппара нөҥүө тэтимнээхтик олоххо киирэр. Холобур, Саха өрөспүүбүлүкэтин нацмональнай бибилэтиэкэтэ үтүө холобур. Манна анал киин арыллан үлэлиир. Итини сэргэ оҥоһуу өйү бу хайысхаҕа хото туһаналлар, сахалыы тыллааҕы таҥаллар.

Наталья Кочешкова, Арзамас куорат култуура департаменын салайааччы: «Пример работы якутских библиотек нас поражает, и у них есть чему научиться. Объединяет любовь не только к русскому языку, но и к родной живой истории».

Оҕону кыра эрдэҕиттэн ааҕыыга уһуйуу билигин сытыытык турар. Маныаха эдэр исписэлиистэр араас бырайыактары кыһалҕаны быһаарыыга көмө буолаллар.

Анита Вензель, СӨ национальнай бибилэтиэкэтин оҕо салаатын сүрүннүүр бибилэтиэкэрэ: «Саҥа үлэһит буоламмын саҥа форма үлэтин, обслуживанияҕа. Холобур, мин литературный детектив “Расследуем вместе” диэн, оҕолору кытта оруолунан оонньуу».

Ити курдук хас биирдии регион кыттыылааҕа бары тус туһунан бырайыактаах кэлбиттэр. Пуорум 3 күн устата салҕаныа. Түмүккэ бастыҥ бырайыактаах бибилэтиэкэри талыахтара.