Куйаас сатыылаан ойуур баһаарыттан сэрэх улаатар

Куйаас сатыылаан ойуур баһаарыттан сэрэх улаатар. Онон салгынынан кэтээн көрүү күүһүрэр. Уопсайа 19 аал баһаары кыра эрдэҕинэ булууга үлэлиир. Күүстээх хонтуруолга Уус Маайа  уонна Уус Алдан улуустара.

Пётр Терентьев, СӨ ойуур хаһаайыстыбатын регионнааҕы диспетчерскэй сулууспатын салайааччы : «Ааспыт күн түмүгүнэн үс ойуур баһаара булулунна. Барыта Уус Майа улууһугар булулунна. Бэс ыйын 22 күн саҕаланыытыгар Саха сиригэр уопсайа 13 ойуур баһаара баар, ол онтон 7 баһаара хайаларга баар».

Мантан 3 баһаара төгүрүтүллэн турар. Хааллан турар уот уопсай иэнэ 320 гектарга тэҥнэһэр. Суола-ииһэ суох сирдэргэ парашютист-десантниктар баһаарга үлэлииллэр. Уопсайа барыта Саха сиригэр 257 киһи уоту умуруорууга сылдьар, итини сэргэ 11 тиэхиньикэ. Кинилэр бу бүтэһик күннэргэ 7 ойуур баһаарын толору умуруордулар. Бу Эдьигээн, Нерюнгри, Өйкөмөөн уонна Уус Алдан улуустарыгар.

Оттон Ленскэй оройуонугар балаһыанньа тупсан ыксаллаах быһыы майгы режима уһулунна.  Санатан эттэххэ бу сааскыттан 130 тахса уот тура сырытта. Баһаарга барыта 9 тыһыынчаттан тахса гектар умайда. Бу урукку сыллары кытта тэҥнээтэххэ үчүгэй көрдөрүү.  Маныаха кэтээн көрүүгэ улахан күүс ууруллар.

Ксения Рахматулина, СӨ ЫБММ пресс-сулууспата: «Для оперативного мониторинга обстановки в готовности к применению находятся многофункциональный БАС "Орлан-10" МЧС России. В целом по данным аэрокосмического мониторинга и взаимодействию с органами повседневного управления территориального подсистемы на муниципальных образованиях в населенных пунктах задымления не наблюдается.».

Дойду үрдүнэн ойуур баһаардарыгар балаһыанньа кытаатар. Ордук Уһук Илиҥҥэ уонна Сибииргэ. Аҥаардас  Красноярскай кыраайга 170 тахса гектар сир тэҥинэн күөдэпчилэнэр. Улахан уоту умуорууга аттынааҥҥы регионнар көмө буолаллар. Куйаас күн дьыл, сөҥүү суоҕа өссө уустугурдар.

Саха сирэ дойдуга биир саамай ойуур баһаарыттан кутталлаах регион.  Тоҕо диэтэр сирбит 83 бырыһыана тыа.