Саха сиригэр Дойду наукатын Академиятын учуонайдара Арктика сайдыытыгар мунньахха кытыннылар

Арктика инникитэ, хотугу сиргэ наука сайдыыта уонна саҥа технологиялары туһаныы боппуруостара киин болҕомтоҕо. Дьокуускайга дойду учуонайдара, өрөспүүбүлүкэ салалтатын кытта көрсөн мунньахтаатылар. Аан бастакытын Арассыыйа наукатын Академиятын президиума Саха сиригэр ыалдьыттыыр. Ил Дархан Айсен Николаев бүгүҥҥү күҥҥэ турар сүрүн соруктары бэлиэтээтэ.   

Айсен Николаев, CӨ Ил Дархана: «Во главу угла должен быть поставлен ускоренный трансфер технологий в отрасли реальной экономики и социальной сферы. Научные школы Якутии, которые формировались в ответ на вызовы освоения северо-востока страны, должны усиливать общий вклад российской науки в достижения всех национальных целей в Арктике».

Тэрээһиҥҥэ учуонайдар аҥардас научнай чинчийиилэри эрэ буолбакка тутуу, транспорт, энергетика, айылҕа харыстабылын темаларын дьүүллэһэллэр. Маныаха бу хайысхаҕа саҥа бырагыраама ылыллан үлэ салаллыаҕа.

Михаил Томский, наука академиятын научнай үлэһитэ: «Арассыыйаттан улахан учуонайдар кэлэннэр Арктика боппуруоһун уонна илин эрэгийиэннэр сайдыыларын туһунан кэпсэтиэхтээхпит. Бу мунньах суолтата улахан. Биһи өрөспүүбүлүкэбит сайдарыгар туһа буолуоҕа».

Туспа улахан болҕомто тас дойдулары кытта үлэлэһиигэ ууруллар. Ыаллыы сытар кытайдары кытта наука кэккэ салааларын чуолаан медиссиинэ, оҥоһуу өй хайысхаларын сайыннарар сорук турар.

Сюэ Хэйлун, Кытай корпорациятын дириэктэрдэрин бэрэссэдээтэлэ: «По приглашению Академии наук Республики Саха (Якутия) и РФ мы будем внедрять научное сотрудничество между нашей корпорацией и с Якутией и РФ в области искусственного интеллекта, медицинские операции, международные инфраструктуры».

Уустук услуобуйаҕа олорор хотугу сир олохтоохторун кыһалҕаларын быһаарыы наука салааларын хабар. Маныаха дьон олоҕун чэпчэтии, кинилэргэ көмөлөһүү тыын суолтаны ылар. Онон саҥа технологиялары бу хайысхаҕа олоххо киллэрии уолдьаста диэн мунньах кыттыылаахтара бэлиэтииллэр.

Николай Находкин, "Безопасная Арктика" тэрилтэ салайааччыта: «Арктика наука сыһыаныгар наадыйар улаханнык. Элбэх саҥа технология баар, элбэҕи сайыннарахха сөп. Наука, оҥорон таһаарыы уонна бырабыытылыстыба бииргэ толкуйдууллара үчүгэй».

Маннык хабааннаах үрдүк таһымҥа ыытыллар салалта уонна наука бииргэ алтыһыыта сүрүн кыһалҕалары быһаарыыга көмөлөөх буолоуоҕа.