Анал байыаннай дьайыыга сылдьар биир дойдулаахтарбытыгар көмөнү оҥоруу тохтообот

Бу курдук, амарах санаалаах волонтердар байыастарга анаан анал маскировачнай сиэккэ өрөллөр.  Туораттан көрдөххө чэпчики курдук, ол эрэн үлэ уустуктурдаах,  биир улахан сиэккэни өрөргө көмө илии, бириэмэ наада. Холобура, бу 3 миэтэрэ уһуннаах сиэккэни волонтердар нэдиэлэ иһигэр өрөллөр.

Зоя Григорьева, волонтёр: «Араас өҥүнэн өрөбүт, айылҕа кэмиттэн тутулуктаах. Кыһын – сырдык, сайын - күөх».

Ол курдук, волонтердар сиэккэни анал ньыманан, өҥүн, дьыл кэмиттэн көрөн оҥороллор. Оттон саамай уустук уонна сүрүҥ үлэ - үөһээ өттүн бөҕүргэтии буолар диэн этэллэр. Манна күүскэ тутар, баайар илии наада.

Валентина Дулова, волонтёр: «Үлэлээх да буоллар киһи кыайан оҥорор. Оҕолорго көмөлөһөр буоллахпыт. Кэлэн махтаналлар».

Хаҥалас улууһуттан төрүттээх Зоя Григорьева волонтердар ыстааптарыгар бэйэтин баҕатынын кэлэн көмөлөспүтэ иккис сылыгар барда. Уолаттарбыт этэҥҥэ эргиллэн кэлэллэригэр, төһө кыалларынан бэйэбит көмөбүтүн оҥоробут диэн этэр.

Зоя Григорьева, волонтёр: «40 тахса сиэккэни өрдүбүт сылтан ордук кэмҥэ. Подругаларым көмөлөһөллөр. Бытаан соҕустук да өрөбүт».

Бу курдук хас биирди, Саха сирин олохтооҕо анал байыаннай дьайыы кыттыылаахтарыгар көмөлөһөн, бэйэтин кылаатын киллэрсэр. Хас улуус, нэһилиэк аайы волонтердар ыстааптара тэриллэн биир ситимнээхтик үлэлии олороллор. Биирдиилээн да дьон, дьиэтигэр олорон таҥас-сап тигэр, күүс-көмө буолар.

Дьокуускай куорат олохтооҕо, доруобуйа эйгэтигэр үлэлиир Сардаана Охлопкова эмиэ туора турбакка байыастарга көмөлөһө олорор. Кини үлэтин кэннэ, дьиэтигэр кэлэн иистэнэр. Уолаттарга анаан таҥас - сап, көстүүм, анал суорҕан тигэр.

Сардаана Охлопкова, волонтёр: «Бастаан Илизаров аппараатын кэтэр уолаттарга диэн тигэн саҕалаабытым. Онтон көрдөһүүлэринэн айаҥҥа таҥас наада диэн соннору тигэр буолбутум».

Саха ыччата дойдуларын көмүскэлигэр сылдьаллара барыбытын долгутар, бары түмсэн ыраахтан да буоллар төһө кыалларынан күүс-көмө, өйөбүл буолабыт.