"Кыталык көтүүтэ" бырайыак ситиһиилээхтик олоххо киирэр

"Орто дойду" зоопарка сэдэх, ураты дьылҕалаах иитиллээччитэ сарсыардаҥҥы аһылыгын аһыыр.  Бу күһүн Саха сиригэр буолбатах түбэлтэ, тулаайах кыталык оҕотун Усуйаана улууһугар булбуттара. Зоопаркаҕа олохсуйан, бу күннэргэ кинини дьиэттэн  таһырдьа таһаардылар.

Билигин кыталык оҕото ымпыктаах кэтэбилгэ,  көрүүгэ-истиигэ сылдьар. Зоопарка орнитология салаатын үлэһитэ Светлана Геннадьевна Слепцова Удьуор таһырдьа тахсан, тута этэ-сиинэ чэбдигирэн, санаата да көтөҕүлүннэ диэн кэпсиир.

Светлана Слепцова, "Орто дойду" зоопарк орнитология салаатын сэбиэдиссэйэ: «Сайыҥҥы вольерга тахсан сибиэһэй салгынынан дуоһуйа сылдьар. Киниэхэ сөптөөх, аттыгар туруйалар бааллар. Кини дьону көрөн куттаммат».

Санатабыт, икки кэриҥэ ый буолан баран Усуйана улууһугар булуллубут кыталык оҕото киин куораты сэтинньи ыйга булбута. Кинини Саха сирин биологическай ресурсаларын дирекциятын исписэлиистэрэ уонна "Орто дойду" зоопаркатын үлэһиттэрэ керсүбүттэрэ. Онтон маннык түбэлтэ кыһыл кинигэҕэ киирбит көтөру булан ыытыы, Саха сиригэр аан бастакытынан буолбута. 

2024 сыллаахха Илин экономическай форумҥа "Полет стерха" бырайыак көмүскэнэн, Дойду президенын өйөбүлүн ылбыта. Ол кэмтэн ыла бу бырайыак ситиһиилээхтик үлэлиир. Бастатан туран кыталыктары кэтээн, көрүү уонна ахсаанын ааҕыы үлэлэрэ ыытыллан саҕаламмыттара. Итиэннэ суолталаах тэрээһиннэр буолаллар. Бу күннэргэ киин куоракка "Кыталык көтүүтэ" быыстапка үлэтин саҕалаата. 

Светлана Слепцова, СӨ биологическай ресурсалар департаменын кылаабынай исписэлииһэ: «Күрэх кыттыылаахтарын уонна кыайыылаахтарын үлэлэрэ тураллар. Бэс ыйын бүтүөр диэри көрүөххүтүн сөп. “Кыталык көтүүтэ” диэн тэрээһиммит аан дойдутааҕы орнитологическай бырайыак иһинэн ыытыллыбыта. Ону таһынан билигин “Народный мониторинг миграции стерхов” ыытылла турар».

Билигин Удьуор булуллубут сиригэр Усуйаанаҕа биһиги орнитологтарбытын кытары Кытай учуонайдара кыттыылаах экспедиция айаннаары сылдьар. Сүрүн үлэ - кыталык уйаланар сирин чиничийии буолар.