Орто анал үөрэх дойду таһымыгар улахан болҕомтоҕо

Дьокуускайдааҕы Промышленность техникумугар бастыҥ сващиктары бэлэмнииллэр. Манна үөрэх улахан аҥаара практикаттан турар, устудьуон бастакы курстан саҕалаан барытын тутан-хабан көрөн, устунан улахан тэрилтэлэргэ үлэлии киирэр. Кэлэр сылга үөрэҕин бүтэрэр Ефрем Эверстов билиҥҥэттэн саҕалаан инникитин былаанныыр, улахан таһымнаах үлэһит буолуохтаахпын диэн сарсыарда 9 чаастан  5 чааска диэри мастарыскыайтан тахсыбакка эрэ үөрэнэр.

Ефрем Эверстов, Т.Г. Десяткин аатынан Дьокуускайдааҕы промышленность техникумун устудьуона: "Аҕам сварщик идэлээх. Кинини кыра эрдэхпиттэн батыһа сылдьарым, араас үлэлэргэ сылдьыһан сварканы сэҥээрбитим. Ол иһин бу сварканан барыахпын баҕарбытым. Техникуму бүтэрэн баран таһыммын үрдэтиниэҕим, ол кэннэ үөрэхпин үрдэттиэм".

Судаарыстыба орто үөрэх сайдарын туһугар улаханнык өйүүр. Сыл ахсын Дьокуускайдааҕы промышленность техникумугар сварщик идэтигэр 50 абитуриент босхо киирэр. Ону таһынан грант күрэҕин нөҥүө, аныгы ирдэбилгэ толору эппиэттиир, мастарыскыай тутуллубут уонна анал тиэхиньикэ ылыллыбыт. Манна устудьуоннар теория чааһын ааһан баран практикалыыллар.

"Устудьуоннар сваркалыахтарын иннинэ эчэйимээри анал таҥас кэтэллэр. Манна бачыыҥаттан саҕалаан бэрчээккэҕэ тиийэ баар. Уонна анал каска кэтэллэр", - Афанасий Канаев, корреспондент.  

Инникитин идэтийбит исписэлиистэри таһаарарга бүтүн дойду үрдүнэн сварщиктарга анаан араас күрэхтэһиилэр ытыллаллар. Бу идэ доруобуйаҕа буортулаах буолан эбии уоппуска күннэрэ ананар уонна биэнсийэҕэ 55 саастан таһаараллар. 

Айаал Докторов, Т.Г. Десяткин аатынан Дьокуускайдааҕы промышленность техникумун дириэктэрэ: "Сварщик үлэтэ олус наадыйыллар. Орто хамнас 180 тыһ. солк. тиийэр. Биһиги выпускниктарбыт харса суох үлэҕэ бараллар".

Саха сирин орто үөрэхтэрэ Россияҕа  "Профессионалитет" куонкуруска 5 бастыҥ иһигэр, Уһук Илиҥҥэ инники күөҥҥэ турар. "Молодежь и дети" диэн национальнай бырайыак чэрчитинэн орто үөрэх сайдыытыгар быйыл 660  мүллүйүөнтэн тахсаны ылыахтара.