Үйэбит сайдан түөкүннэр дьону албынныыр ньымалара биллэрдик сайынна

Кэнники кэмҥэ эдэр ыччаты ордук албынныыр буоллулар. Билсиһии сайтыгар эдэр кэпсэтииттэн саҕалаан, мобильнай баан нөҥүө куттаан, итэҕэлгэ киирэн харчы ыыттарыахтарын сөп. "Информационнай куттал суох буолуута салаатын" устудьуоннара олохтоохторго сэрэхтээх буолун диэн өйдөтүү үлэтин ыыттылар.

Андрей Томский, Хотугулуу-Илиҥҥи федеральнай университет информационнай куттал суох буолуутун салаатын 1 кууруһун устудьуона: «Оҕолор буолан пропаганда эттибит. Мошенниктартан сэрэнэ сылдьыахха наада, бэйэҕитин көрүнэ сылдьыаххытын наада уонна уонна мээнэ дьоҥҥо личнай дааннайдаргын кэпсиэ суоххун наада».

Статистика этэринэн былырыын баччаларга 258 мөлүйүөн, быйылгы суумма 278 сууммаҕа тэҥнэстэ, онуоха харчыны былдьаппат туһуттан, киберполиция үлэһиттэрэ маннык сүбэлииллэр.

Мария Кардашевская, киберполиция инспиэктэрэ: «Бу өҥөнү хайаатар даҕаны дьонноргутугар сырдатыаххытын наада дии саныыбын. Бу өҥөнү холбонон баран бу киһи мин ааппыттан кредит ылбаттар диэн эрэллээх буолар. Ол иһин киниэхэ мээнэ киирэр информацияҕа итэҕэйбэт, эрэммэт буолар».

"Кредиттэн бэйэни бобуу" уонна да атын көмүскэнэр ньымалары көдьүүстээхтэрин көрдөрдүлэр. Бу ньымалары туһанан Өрөспүүбүлүкэ олохтоохторо харчыларын былдьатыылара 30 бырыһыан аччаан турар.

Ис дьыала министиэристибэтин инспиэктэрдэрэ билбэт төлөпүөн нүөмэргитин ыларгытын, куйаар ситимигэр араас ссылкаларга киирэртэн туттунун диэн ыҥырар, сэрэхтээх буолуу хас биирдии киһиттэн тутулуктаах.