Нам улууһа бастакынан ыһыы үлэтигэр киирдэ

Тыа хаһаайыстыбатын кооператива уонна Аграрнай институт устудьуоннара 14 буоланнар хортуоска олордуутун үлэтигэр быйыл иккис сылларын үлэлии сылдьаллар. Айгар Попов бииргэ үөрэнэр оҕолорун кытары, идэлэригэр сөп түбэһэр үлэҕэ сарсыарда 9:00 чаастан киэһээ 18:00 чааска диэри үлэлээбиттэрэ 3 күнэ.

Айгар Попов, АГАТУ устудьуона, үлэҕэ көмөлөһөөччү: «Практикаҕа билбит ордук буоллаҕа. Үлэ хайдах барарын көрө-билэ сылдьабын».

Нам улууһа бааһына үлэтигэр бастакынан киирдэ, аныгы кэмҥэ толору эппиэттиир технологияны туһанан икки киһи, 100 киһи илиитин үлэтин солбуйар. Бааһынаҕа ыһыллар "Шантенэ", "Детройт" суорт сиэмэлэри, 3 гектар иэннээх сиргэ тыраахтардар ыһаллар. Ол кэннэ 2 гектар моркуобу уонна 3 гектар сүбүөкүлэни ыһыахтара. Бастакы үүнүүлэрин үлэһиттэр сайын ортото хомуйар баҕалаахтар

Федор Дьяконов, "Сүүрээн" ТХПК үлэһитэ: «Барыта механизированнай. Тыраахтарыыстар тиийбэттэр».

Саҥа ньыма көдьүүстээҕин былырыын билбиттэрэ. Ураты олордуу өлгөм үүнүүнү биэрбитэ. Онон уопуттаах дьон быйыл эмиэ туһаннылар.

Александр Жирков, "Сүүрээн" ТХПК салайааччыта: «Хортуоппуй мээнэ сиргэ үүммэт. Өрүс өттүгэр кумахтаах. Кини оҕуруот аһыгар үчүгэй үүнүүнү биэрэр. Биир өттүгэр туой буордаах, ол бурдук, эбиэс ыһарга үчүгэй бааһыналар».

Кыамталаах улахан тиэхиньикэ, ураты ньыма көмөтүнэн былырыын 40 га хортуоска сириттэн 4 тонна, 5 га моркуоп сириттэн 60, 4 га хаппыыста сириттэн 220, 3 га сүбүөкүлэ сириттэн 22  уонна 35 га бурдук сириттэн 4 туонна сир аһын хомуйбуттар, быйыл кураан дьыл турбатаҕына бу сыыппыра биллэрдик тупсар чинчиллэх.