Ыам ыйын 12 күнүттэн суол сокуонугар уларыйыылар киирдилэр

Ааспыт нэдиэлэ өрөбүллэригэр суолга 741 административнай боротокуол туолбут, олортон 33 арыгы иһэн баран уруулга олоруу, 44 суоппар бырааба докумуона суох уруулга олоруу, 29 пешеход, төрөппүт оҕону соҕотохтуу суолга ыытар буоллаҕына, суол быраабылатын хайаан даҕаны үөрэтиэхтээх, сэрэтиэхтээх.

Лидия Ефремова, Суолга куттал суох буолуутун хааччыйар инспекция пропагандаҕа салаатын инспиэктэрэ: «СИМ көрүҥнэринэн тротуардарынан, велопешеходнай дорожканан айанныыр көҥүллэнэр. Суолу туоруурга анал олохтоммут туоруур миэстэлэринэн туоруохтаахтар».

Маны таһынан хайаан даҕаны көмүскэнэр тэрил кэтэ сылдьыахтаахтар уонна сырыы түргэнин тутуһуохтаахтар диэн инспиэктэрдэр этэллэр. Оттон уопуттаах суоппардар икки көлүөһэлээх тимир көлө суоппардарыгар быһа түспэккэ, айан атын кыттыылаахтарыгар мэһэйи үөскэппэттэригэр, суол быраабылатын кэспэккэ айанныылларыгар сүбэлииллэр.

Суол быраабылата хаанынан суруллубут сокуон. Онуоха бу ыйтан экзамены туттарыы быраабылата кытаатта.

Тамара Максимова, Суолга куттал суох буолуутун хааччыйар инспекциятын анал сорудахха инспиэктэрэ: «Появились новые основания для прекращения экзамена. К ним относятся: использование кандидатом средств связи, фото-, аудио- и видеоаппаратуры, электронно-вычислительной техники, справочных материалов, а также иных средств хранения и передачи информации».

Ол эбэтэр суоппар быраабыгар үөрэнэ сылдьар киһи смарт чаһыы, камера уонна да атын ньымалары туһанан тутуллуннаҕына, экзамены биир сылынан биирдэ хаттаан туттарар буолар. Теория экзаменын кэнниттэн эрдэ 6 ый устата практическай экзамены туттарыахха сөп эбит буоллаҕына, билигин саҥа сокуонунан теорияны уонна практиканы туттарыы болдьоҕо 60 күн буолла. Уларыйыылар киириилэрэ бу барыта хомолтолоох статистика аччыырыгар туһуланар.