ХИФУ устудьуоннара быйыл 2 төгүлүн "Улуу Үһүйээн" диэн эдэр ыччат бэстибээлин ыыттылар

Хотугу-илиҥҥи бэдэрээлинэй үрдүк үөрэх устудьуоннара Саха өрөспүүбүлүкэтин күнүгэр эдэр ыччат бэстибээлин оҥордулар. Тэрээһин сыала-соруга диэн саха тылын уонна култууратын аныгылатан дьоҥҥо тарҕатыы.  Устудьуоннар эрэ буолбакка куорат олохтоохторо эмиэ кыттыыны ыллылар. Бэстибээл иһинэн көрдөрүүлэр, күрэхтэһиилэр аастылар. Уонна араас эстрада сулустара кэнсиэр көрдөрдүлэр.

Петр Михайлов, "Улуу Үһүйээн" бэстибээли тэрийээччи: «Саха култууратын туһунан квизтар баар буолуохтара. Ойбонтон уулааһын, мас тардыһыыта».

Тэрээһиҥҥэ үнкүүттэн саҕалаан кэтиллэр таҥаска диэри барыта ымпыгар-чымпыгар тиийэ толкуйданан турда. Бэстибээл быйыл иккиһин ыытыллар буолан уопуттаахтар. Былырыын 6000 тахса киһи кыттыбыт буоллаҕына, быйыл 4000 элбэх киһи муһунна. Ыалдьыттарга сүрүн болҕомто ууруллунна Кинилэргэ анаан бириистээх араас таһымнаах оонньуулары тэрийдилэр.

Дьаармаркаҕа атыы эргиэн да баар, сылаас үүттээх чэй да босхо биэрдилэр. Ону таһынан араас ырыаҕа уонна үнкүүгэ маастар-кылаастар аастылар. Бэстибээлгэ эдэр ыччат саамай элбэх кыттыылаах оһуохайы толордулар. Бу рекорд олохтонорун туһугар 5000 тахса киһи тэҥинэн илиилэртэн сиэттиһэн оһуохайдаатылар. Оһуохайы толордо Денис Оконешников, өрөспүүбүлүкэ үтүөлээх оһуохайдьыта. Тэрээһин күүстээх-уохтаах үнкүүнэн түмүктэннэ. Бүтүн Дойдуга Саха сирин аатырдыбыт үҥкүүһүттэр саҥа туруорууларын дьон сэҥээрдэ.

Яна Павлуцкая, үнкүүһүт: «Бу үҥкүүнү ХИФУ устудьуоннара Сочига олунньу ыйга үҥкүүлээбиппит. Иккис миэстэ буолан турардаахпыт. Үҥкүү – сахалыы төрүт үҥкүүтүн аныгылыы көрүүнэн диэн буолар».

Эдэр ыччат түмсүүлээх сылдьан араас таһымнаах тэрээһиннэри тэрийэллэр. Аны бу кэлэн иһэр ыам ыйын өрөбүллэригэр чугастыы сытар улуустарга чалбах, хаар ыраастыы, кырдьаҕастарга мас хайыта барыахтара.