Дьокуускайга 60 тахса суол камерата үлэлиир
Главное
-
21 апреля в 08:27Неделя осведомленности о важности иммунопрофилактики стартовала в Якутии
-
21 апреля в 07:56Свыше 180 вопросов жители республики направили на "Прямую линию" Главы Якутии
-
21 апреля в 07:50В Якутии закрывается участок автозимника по направлению посёлок Тикси — граница Усть-Янского района
-
21 апреля в 07:40Жители Якутии вносят предложения в Стратегию социально-экономического развития Дальнего Востока
Бүтүн куорат үрдүнэн суол быраабылатын кэһии элбээтэ. Үксэ харыстанар кур кэтиллибэтэ уонна түргэн сырыы элбээтэ. Ол эрэн сокуону кэһээччилэри суолга турар камералар тута хаартыскаҕа түһэрэллэр. Бу кэннэ суоппарга ыстараап олохтонор.
Иван Салгынов, СӨ суолга куттал суох буолуутун хааччыйар сулууспа административнай кэһиилэри кэтээн көрөр киинин иниспиэктэрэ: "Комлекс түүннэри-күнүстэри бэйэтэ устар. Онтон биһиэхэ кэлэр. Суол салалтатыгар сыалай салаа баар буруйу кэһиини бэрэбиэркэлиир. Онно инженердэр буруй баар диэн быһаардахтарына биһиэхэ кэлэр, административнай эппиэтинэскэ тардыллаллар. ".
Бу камералар "Паутина" диэн анал федеральнай быгарырааманан үлэлииллэр. Ол курдук 2022 сылтан камералар көмөлөрүнэн суол быраабылатын тутуһуу көрдөрүүтэ биллэ тупсубута бэлиэтэнэр.
"Дьокуускай үрдүнэн 60 тахса суол камерата баар. Аҥаардас биир күҥҥэ уонтан тахса ыстараап ананар", - Афанасий Канаев, корреспондент.
Ол эрэн үксүгэр суолга турар камералары суоппар билиммэт. Дьалаҕай сыһыантан сылтаан араас быһылаан тахса турар.
Холобур, ааспыт нэдиэлэҕэ Дьокуускай куорат үрдүнэн 46 суол саахала таҕыста. Хомойуох иһин, 2 киһи тыына быһынна. Маны сэргэ, суол сулууспатын үлэһиттэрэ иһитиннэрэллэринэн, оҕону суолга түҥнэри көтүү элбээтэ.
Владилена Охлопкова, Дьокуускай куорат суолга-иискэ куттал суох буолуутун хааччыйар сулууспа иһитиннэриини сырдатар уонна тарҕатар салаа иниспиэктэрэ: "Кэнники түөрт күҥҥэ оҕону түҥнэри көтүү түгэнэ тахса турар. Оҕолорр араас эчэйиини ылан балыыһаҕа эмтэнэргэ күһэлиннилэр. Суол быраабылатын тутуһуу олохпут биир сүрүн быраабылата буоларын өйдөөн туран оҕолору кытта кэпсэтэргэ төрөппүттэри, суоппардары ыҥырабыт".
Таһырдьа сылыйан уулуссаларга бэлисипиэтинэн уонна матасыыкылынан айан саҕаланна. Ол иһин бу нэдиэлэттэн саҕалаан өрөспүүбүлүкэ үрдүнэн суол сулууспатын үлэһиттэрэ киэһээҥҥи рейдэлэри ыытыахтара. Ордук болҕомто икки көлүөһэнэн айанныыр оскуола оҕолоругар ууруллуоҕа. Кинилэргэ анаан оскуолаларынан суол быраабылатын санатар уруоктар ааһыахтара.
