"Стерх" диэн 12 төгүлүн ыытыллар бүтүн Арассыыйатааҕы балет бэстибээлэ саҕаланара бу кэллэ

Бэлэм күүстээхтик барар. Хас биир хамсаныыны чочуйуу, үрдүк таһымҥа диэри тириэрдии хаалбыт күннэргэ труппа сүрүн соруга. "Стерх" бэстибээл быйыл Улуу хореограф Юрий Григоровичка ананар. Онон кини 3 улахан туруоруута Саха сирин сыанатыгар туруоҕа. Онтон биирдэстэрэ бу көстөр "Спартак". олус улахан туруоруу, онон артыыстар алталыыга тиийэ араас оруолу толороллор. "Стерх" бэстибээл үлэ түмүгүн көрдөрөр, үгүһү арыйар тэрээһин, онон үҥкүүһүттэргэ бырааһынньык кэриэтэ.

Ренат Хон, Суорун Омоллоон аатынан Опера уонна балет тыйаатырын артыыһа: «Күүскэ үлэ бара турар. Сыл аайы Араассыыйаттан, араас дойду тыйаатырдарыттан улахан артыыстар кэлэллэр. Инник кэлэн үҥкүүлүүллэрэ эдэр артыыстарбытыгар улахан уопут буолар».

Оттон бэстибээли "Сияющий камень" диэн 3 көмүс маасканы ылбыт туруоруу арыйыа. Бу опера уонна балет тыйаатыра олоҥхо тыйаатырын кытта кыттыгас туруоруулара.

Маргарита Васильева, Суорун Омоллоон аатынан Опера уонна балет тыйаатырын дириэктэри солбуйааччы: «Быйыл георграфиябыт улахан. Сүрүн солистар кэлэллэр. Москва Большой, Мариинскай тыйаатырдарыттан. Краснодар, Казань, Уфа курдук куораттартан кэлэллэр».

Суруналыыстарга анаммыт пресс-турга тыйаатыр бары өрүтэ көстөр. Бэстибээлгэ күүстээх бэлэм иис сыаҕар барар. Сцена киэргэтиитэ, көстүүмнэри тигии тохтообот. тыйаатыр ирдэбилинэн декорацияҕа да көстүүмнэргэ да кыра да атылы суох буолуохтаах. Холобур, быйыл лебединое озера сүрүн оруолугар көстүүм саҥаттаан тигиллэр.

Татьяна Егорова, Суорун Омоллоон аатынан Опера уонна балет тыйаатырын  модельер-худуоһунньуга: «Аргуновка маннык көстүүм тигэбит. Матырыйаалын өр көрдөөн. Оҕуруотун тугун өссө була иликпит».

Бэстибээлгэ туроруулары сэргэ "театр боотуров" диэн документальнай киинэ сүрэхтэниэ. бу киинэни балтараа сыл устата Санкт Петербург режссера Мила Кудряшова уһулла.

Мила Кудряшова, "Театр Боотуров" документальнай киинэ режиссера: «Фильм будет состоять из трех новелл: "Сияющий камень", "Щелкунчик" — это самый популярный балет, который существует, и как он сделан в Якутии. И, конечно же, "Нюргун Боотур", с которого началась история нашей постановки».

12 төгүлүн ыытыллар бэстибээл муус устар 17 күнүттэн 26 диэри буолуо. Түөрт сүрүн туруоруун сэргэ ыҥырыылаах ыалдьыттар кыттыылаах гала концерт буолуо.