Үлэ тэрилтэлэригэр куттал суох буолуутун хааччыйыы

Баһаартан сэрэхтээх буолуу, куттал суох буолуутун хааччыйыы. Баһаарынай сулууспа үлэһиттэрэ элбэх мэндиэмэннээх дьиэ умайыытыгар сатабылларын көрдөрдүлэр. Үөрэх номоҕунан, Үрдүк суут дьиэтигэр иккис этээскэ уот туран, баһаар саҕаламмыт диэн буолла.

Маныаха, баһаар турбутун туһунан иһитинэрии киирээтин кытта, баһаарынайдар аҕыйах мүнүүтэ иһигэр тиийэн үрдүкү этээскэ уустук баһаары умуруорууну тургуттулар. Манна хас биирди мүнүүтэ былдьаһыктаах, быһааччыларга сүрүн сорук - киһи олоҕо.

Афанасий Кириллин, ЫБММ Саха сиринээҕи салалтатын баһаарынай сулууспатын 6-с №-дээх баһаартан быыһыыр чааһын салайааччыта: «Чааспытыгар сигнал кэлбитэ Үрдүкү суут дьиэтигэр усулуобунай баһаар буола турар диэн. Ону биһи тутатына хомунан тахсан 3 мүнүүтэ иһигэр манна кэлбиппит».

Баһаар тахсар түгэнигэр түргэн хамсаныыны, сөптөөх, биир ситимнээх үлэни ирдиир. Хас биирдии бары өттүнэн бэлэм буолара ирдэнэр. Бу түгэҥҥэ, Ыксаллаах быһыы-майгы министиэристибэтин быыһааччылара, тустаах уорганнар толору бэлэмнээхтэрин көрдөрдүлэр.

Ксения Рахматулина, СӨ ЫБММ Саха сиринээҕи салалтатын пресс-сулууспатын салайааччы: «Этот объект считается сложным. Это его этажность, непосредственно само наличие того, что это здание органов государственной власти, это закрытый режимный объект и также могут проходить заседания судебные с лицами, которые находятся под конвоем, что также важно. Привлекаются сотрудники правоохранительных органов на такие учения».

Анал үөрэтиигэ 60-тан тахса быыһааччы, 20-чэ тиэхиньикэ кытынна. Баһаар буолбут дьиэтиттэн 70-тан тахса киһини таһаардылар. Баһаарынайдар сөптөөх дьаһалы ылынан, уустук усулуобуйаҕа үлэни ыытыы сатабылын көрдөрдүлэр. Түмүгэр үөрэтии үчүгэйинэн сыаналанна. 

Анатолий Акимов, ЫБММ Саха сиринээҕи салалтатын баһаарынай сулууспатын 6-с №-дээх баһаартан быыһыыр чааһын кэтэбил салайааччыта: «Ыарахан. 74 киһи бэйэтэ таҕыста, 8 киһини быыһаатыбыт».

Ыксаллаах быһыы-майгы үлэһиттэрэ, маннык анал үөрэхтэр дьон олоҕун быыһыырга, бэйэ кыаҕын көрүү буолар диэн этэллэр. Саха сиригэр маннык туһааннаах үөрэхтэр тиһигин быспакка ыытылаллар.