Арктикатааҕы култуура университетын устудьуоннара саҥа испиктээкили бэлэмнииллэр

Искусство, култуура уонна креативнай индустрия государственнай унивеситет 4 кууруһун устудьуоннара дипломнай үлэлэрин көмүскүүллэригэр хайаан да бэйэлэрэ испэктээкил туруоран көрдүрүөхтээхтэр. Ол курдук бы сыл бүтэрээччилэрэ Лики Олоҥхо диэн испиктээкили туруораллар. Сарсыарда 10:00 чаастан саҕалаан киэһээ 18:00 дылы тохтообокко сыанаҕа туран бэлэмнэнэллэр.

Мария Маркова, испиктээкил режиссера: «Этюд оҥорбуттара бэйэлэрэ. Олоҥхону эрэ буолбакка араас научнай үлэлэри, ыстатыйалары үөрэтэн, хартыынаны үөрэтэн».

Сүрүн дьоруойдарынан буолаллар Дьырыбына Дьырылыатта, Кыыс Дэбилийэ уонна Кыыс Ньургун. Кинилэр Аллаараа дойду абааһыларын кыайан, Орто дойду олохтоохторун быыһаан дьол соргу олохтуулларын тула сюжет эргийэр. Уонна араас тойук, ырыа, үҥкүү уонна оһуохай көрүҥнэрэ туттуллар.

Кыыс Ньуругун оруолун Юлияна Готовцева толорор. Бухатыыр буолар олус атын эбит диир. Ол эрэн саҥа уопут ылбытыттан олус үөрэр. Хас да ый кыыс бухатыыр оруолугар бэлэмнэнэн бэйэм эмиэ уларыйдым диэн этэр.

Юлиана Готовцева, Кыыс Ньургун оруолун толорооччу: «Кыыс бухатыыр оруола интириэһинэй. Эр киһини кытта тэҥник туттара саҥатык курдук, ураты».

Испиктээкили туруорарга устудьуоннар 2 куурустан саҕалаан оруолларынан арахсан, уот, муусука хайдах буолуохтааҕын ойуулаан бэлэмнэммиттэр. Уонна өбүгэлэр үгэстэрин аныгы анал тихиньикэни кытары холбоон олус ураты хартыынаны көрдөрөллөр.

Саҥа туруоруу муус устар 9 күнүгэр Гагарин аатынан култуура киинигэр олохтоохторго көстүөҕэ. Артыыстар бу туруорууларынан олунньу ыйга улахан бэстибээлгэ ыҥырыыны ылан номнуо исписэлиистэртэн хайҕал ылбыттара.