Саха сирин окологтара куолайга уонна ноорго уустук эпэрээссийэни оҥорор буоллулар

Москваттан кэлбит онколог-хирурудар 2 эпэрээссийэни көрдөрөллөр. Бу ноор искэҥэр туһааннаах оборуудабанньа көмөтүнэн эппэрээссийэ буола турар. Ыарыһахха хайытыыта суох зонд нөҥүө уорганыгар киирэн искэҥ пункциятын ылаллар.

Ураты эпэрээссийэлэри Москватааҕы клиническэй научнай-практическай киин исписэлиистэрэ Саха сирин онколог-хирурдарыгар көрдөрөллөр. Ноору тэҥэ куолай рагар аан бастакытын лазер  көмөтүнэн эпэрээссийэ оҥордулар. Хирургическэй микроскобунан искэҥи быһаллар, маныаха уорган толору эмсэҕэлээбэт. Бу, биллэн турар, олус уустук уонна үрдүк технология процедурата буолар. 

Виктор Игнатьев, ХИФУ медицинскэй институтун уопсай хирургияҕа кафедратын сэбиэдиссэйэ: "Биһиги саалаҕа олорон эрэ эпэрээссийэни көрөбүт. Ол курдук 3 эпэрээссийэни көрө олоробут. Итини сэргэ сигэнэн баҕалаахтар киирэн көрөллөр. Ити барыта биһиэхэ оҥоһуллар эпэрээссийэлэр. Ону улахан уопуттаах исписэлиистэр кэлэн эдэрдэри үөрэтэллэр". 

Этиллибитин курдук, уустук эпэрээссийэлэр маастар-кылаас быһыытынан ыытыллан быһа эфиринэн көрдөрдүлэр. Саха сирин исписэлиистэрэ маннык эпэрээссийэлэри ыытарга Москваҕа үөрэнэн тураллар. Бу түмүктүүр түһүмэх. Салгыы бу технологиялары олоххо киллэрэн туһаныахтара.

Игорь Хатьков,  Москватааҕы клиническэй научнай-практическай киин дириэктэрэ: "искэҥ киинэ тутулла турдаҕына сылдьыбытым. Оттон билигин ситэн-хотон турдаҕына кэлбиппиттэн олус үөрэбин. Мин эрдэ кэлэ сылдьан эпэрээссийэ ыытан турабын. Маннааҕы хирургтары кытта ыкса үлэлэһэбит". 

Маастар-кылаастар Саха сиригэр уһулууччулаах өҥөлөөх онколог-хирург Татьяна Мигалкина аатыгар анаммыт научнай-практическай конференция чэрчитинэн буоллулар. Тэрээһиҥҥэ аныгы кэмҥэ рак ыарыыны эмтээһин тула улахан кэпсэтии таҕыста.

Феодосия Иванова, СӨ кылаабынай онколога: "Диагностика саҥа көрүҥнэрэ, хайдах гынан ыарыһахтар эмтэниилэрин тупсарабытый уонна кинилэр олохторун уһатабытый диэн".  

Бүгүҥҥү күҥҥэ Саха сирин үрдүнэн онкология ыарыытынан 15 тыһыынча киһи учуокка турар. Сүрүннээн тыҥа, эмиий уона быар рактара киэҥник тарҕаммыттар.