Дьокуускай куорат суолларыгар өрөмүөн саҕаланна

Күүстээх тиэхиньикэ тоҥ буору чэпчэкитик алдьатар. Онон номнуо суол өрөмүөнүн үлэлэрэ саҕаланна. Сэбиэскэй Армия 50 сыла уулуссаҕа турбалары угар хаһыылары оҥороллор. Маныаха уҥа балаһаны сабан тураллар. Манна былырыын сайыны быһы аспаал уруллуон иннинээҥҥи буор үлэтин түмүктээбиттэрэ. Уопсайа 800 миэтэрэлээх үлэ ыытыллыбыта.

Александр Алексеев, "РИК Автодор" тэрилтэ суол учаастагын салайааччыта: "Быйыл бастакы үлэбит диэн турба урааһына буолар. Икки турбаны ууруохтаахпыт. Билигин суолу алдьатан саҕалаатыбыт. Муус устар 1 күнүгэр диэри биир турбаны бүтэрэр былааннаахпыт. Муус устарга иккис турбабытын саҕалыахпыт". 

Сэбиэскэй Аармыйа 50 сыла уулуссаҕа хаһан да маннык улахан өрөмүөн  ыытылла илигэ. Саҥардылыннаҕына кэҥээн, 4 балаһалыаныаҕа. Ону тэҥэ гаас, кирдээх уу ситимнэрэ уларыйыахтара. Ол курдук аспаал 3 дьапталҕалаах буолуоҕа. Бу суолу биллэ кытаатынныарыаҕа диэн исписэлиистэр этэллэр. Холобур, Дьокуускай иһинээҕи суолларга 2 хос аспаал уураллар.

“Бу Сэбиэскэй Армия 50 сыла уулусса кулун тутар 23 күнүттэн сабылынна. Тумнуу суол Бабушкина уулуссанан барар итиэннэ Рихарда Щорге аатынан уулуссаҕа тиийэр. Маннык сырыы муус устар 1 күнүгэр диэри олохтонуоҕа”, - Мария Дмитриева, корреспондент.

Уопсайынан быйыл Дьокуускайга 13 сиргэ суол өрөмүөнэ барыаҕа. Олортон улахан аҥаара бу сыл сэтинньитигэр диэри түмүктэниэ. Ол курдук Сэргэлээх шоссета, Халтурин аатынан уулусса, Канглааска дачная уулусса. Итини сэргэ залог оройуонугар Лиза чайкина уулсса саҥардыллыа. Итиэннэ саамай күүтүүлээх 203 түөлбэ суола быйыл оҥоһуллар буолла. 

203 дьоҕус түөлбэҕэ күөх хонуу өттүнэн Ефимов аатынан уулусса хаһан да оҥоһулла илигэ. Олохтоохтор тутуу кэминээҕи быстах кутуу суолунан айанныы сылдьаллар.

“Бу Ефимов аатынна уулусса Ярославскай аатынан уулссаны кытта силбэһиэ. Маныах ити көстөр улахан уу турбалара уларыйыахтара”, -Мария Дмитриева, корреспондент.

Ефимов аатынан уулусса икки балаһалаах, сатыы киһи  хаамар тротуардаах уонна бэлэсипиэт суоллаах буолуоҕа. Оттон суол быһа охсуһуута 4 балаһалаах. Онон мантан саас, сайын улахан үлэ күүтүллэр. Суолу кулун тутар 30 күнүттэн сабыахтара.

Пётр Андреев, «Главстрой» тэрилтэ суол тутуутугар дириэктэри солбуйааччы: "Бу эбийиэк быйыл үлэҕэ киирэр. Сэтинньигэ диэри түмүктэниэ. Суо уһуна 395 миэтэр. Бэдэрээччик “РИК Автодор” тэрилтэ ананна".

Быйыл ыытыллар үлэлэр бары хантараак баттаммыт. Үлэ муус устар саҥатыттан саҕаланыа.