"Хоту" кэпэрэтиип сыллата оҥорон таһаарыы кээмэйин үрдэтэр

Күннэтэ сүүһүнэн тиэптэл, кэтилиэт төгүрүтүллэр. Манна хас биирдии көрүҥ ас илиинэн оҥоһуллар уонна саамай сүрүнэ олохтоох бородууксуйаттан. Маныаха анаан эт утары эриллэ турар. Онон сип-сибиэһэй ас атыылаһааччыга тиийэр.

"Хоту" кээпэрэтиип оҥорон таһаарар бордууксуйатыгар анаан олохтоох нэһилинньэттэн күһүн аайы эт тутар. Бу курдук дьаһанан үлэлээбиитэ 30-ча сыл буолла.

Ольга Петрова, "Хоту" кэпэрэтиип эт сыаҕын маастара: “Ынаҕы 160 төбөнү уонна сылгыны 45 төбөнү туттубут. Уопсайа холбоон 52 туонна эти соҕотуопкалаатыбыт. Ити биһиги сыллата астыыр уонна батарар эппитин хааччынныбыт”.

Нэһилинньэттэн кэлбит эттэн сыл устата бу курдук эт ас үтүмэнэ оҥоһуллан тахсар. Сыллааҕы былаан 36 туоннаттан үөһээ диэн быһыллар. Оттон оҥорон таһаарар көрүҥ нэһилиэнньэ баҕатын учуоттаан уларыйа турар.

Лилия Колодезникова, "Хоту" кэпэрэтиип эт сыаҕын үлэһитэ: “Тиэптэ, кэтилиэт уонна дырыһааҥка оҥоробут. Ону таһынан тиэстэлээх астары астыыбыт”.

Эт сыаҕар күннэтэ 6-7 киһи түбүгүрэр. Манна тыыннаах сүөһүнү тутууттан, астааһынтан саҕалаан эрбээһин оҥорон таһаарыы бары түһүмэҕэ миэстэтигэр оҥоһуллар.

Владимир Эверстов, "Хоту" кэпэрэтиип эт сыаҕын үлэһитэ: “Күҥҥэ 4-5 сүөһүнү эрбэтэбин, ону таһынан мииҥҥэ анаан нобуордары оҥоробун”.

Оҥорон таһаарыы арааһын элбэтии уонна хаачыстыбаны үрдэтии билигин судаарыстыба туруорар сүрүн соруга. Маныаха Мэҥэ хаҥалас улууһугар тыа хаһаайыстыбатын сыллара биллэриллэн турар. Оттон "Хоту" кэпэрэтиип бэйэ аһынан хааччыныыга үтүө холобур.

“Бу оҥоһулла турар тиэптэллэр күн сарсын үөрэх тэрилтэлэригэр барыахтара. “Хоту” кэпэрэтиип улуус оскуолаларын, уһуйаанарын 90% олохтоох этинэн, үүтүнэн хааччыйан олорор”, - Мария Дмитриева, корреспондент.

Эриллибит эттэн ас үмүрүйүүтэ сыах иһин халбаһы дыргыл сыта ылар. Дьэ сөп буолан оһохтон тахсар кэмэ кэлэр. Бу дьоҕус оһоххо күҥҥэ 40 киилэ халбаһы оҥоһуллар.

Пётр Николаев, "Хоту" кэпэрэтиип эт сыаҕын үлэһитэ: “Бу “Ароматная” диэн халбаһы. Нэһилиэнньэ саамай сөбүлүүр көрүҥэ. Уопсайа 5 көрүҥ халбаһыны уонна ветчина оҥоробут”.

Бу сылгы этиттэн  халбаһыны "Хотулар" бэйэлэрин тус ырысыаптарынан оҥороллор. Онон ураты амтаннаах, саамай табыллыбыт көрүҥнэрэ.