Арассыыйа тыатын хаһаайыстыбатын миниистирин солбуйааччы Роман Некрасов Саха сиригэр үлэлээтэ

Тыа хаһаайыстыбатын туруу үлэһиттэрэ Арассыйа тыа хаһаайыстыбатын миниистирин солбуйааччы Роман Владимирович Некрасов Саха сиригэр оробуочай сырыытынан көрүстүлэр. Төгүрүк остуол тула бу эйэгэҕэ туох кыһалҕа баарын аһаҕастык иһитиннэрдилэр, санааларын үллэһинниллэр.

Булун хаһаайыстыбатын салайааччыта Руслан Лукин билиҥҥи кэмҥэ тирээн турар кыһалҕаларын дакылаатынан иһитиннэрдэ. Билигин кинилэр 3500 тыһ. табалаах хаһаайыстыбаларыгар сүрүн кыһалҕанан - бөрөлөр буолаллар. Бу сытыы боппуруоһу быһаарарга дьааттааһыны көҥүллүүргэ федеральнай былаастан көмө көрдөөтө. Маныаха балыктааһын сокуонугар киирбит уларыйыыларга эмиэ болҕомто ууралларыгар ыҥырда.

Руслан Лукин, “Булуҥ” МУП салайааччыта: «Балыктыыр учаастакатары дуогабар түһэрсэргэ биһиги федеральнай бүдьүөккэ 177 мөл. Саха сирин балыксыт хаһаайыстыбалара барытын бэйэлэр төлүөхтээхтэр. Уонна онно усулуобуйалаах – балыктыыр балыккын чөлүгэр түһэриэхтээххин, ол иһин балык ыам ыытааһынын туруорса сатыыбыт. Онно көмөлөһүөхтэрэ диэн эрэнэбит».

Мунньахтары төгүрүк остуоллары ураты Роман Владимирович хаһаайыстыбаларга сылдьан миэстэтигэр үлэлээтэ. Аан бастакынан Сахаагроплем тэрилтэҕэ сылдьан үлэ хаамыытын билистэ. Манна азотнай ыстаансыйаҕа сылдьан, үлэ хайдах бара турарын көрөн үрдүктүк сыаналаата.

Артем Александров, СӨ тыа хаһаайыстыбатын миниистирэ: «Азотнай станция үлэтин көрөн сөҕөр. Сэбиэскэй сойуус сопхуостар эстэллэрин саҕана ыһыллыбакка тутан хаалбыт, аһара баран медкислороду лицензияны ылан жидкай, гаас көрүҥүнэн бүгүҥҥү күҥҥэ хааччыйа олорорбутун көрөн сөхтө».

Маныаха биир сүрүн суолталаах көрсүһүү Өрөспүүбүлүкэ Ил Дарханын Айсен Николаевы кытары буолла. Манна дойду Президенэ Владимир Путин 309  уурааҕын тула кэпсэтиилэр аастылар. Манна сүрүн болҕомто - бородууксуйаны таска таһарыы үлэтин ыытыы.

Роман Некрасов, РФ тыатын  хаһаайыстыбатын миниистирин солбуйааччы: «К 2030 году наша страна и регионы должны в 1,5 раза увеличить аграрный экспорт и на 25% увеличить объёмы сельскохозяйственного производства. Очень отрадно, что глава региона глубоко погружен в проблемы развития агропромышленного комплекса. Есть чёткое детальное видение, стратегия развития агропромышленного комплекса субъекта, есть чёткое понимание необходимости развития социальной сферы, и то, что сегодня делается в регионе, может быть использовано в масштабах страны».

Арассыыйа тыатын хаһаайыстыбатын миниистирин солбуйааччы Роман Некрасов 2 күн устата ааспыт оробуочай сырыыта  суолталаах  түмүктэрдээх, үгүһү эрэнэр сыаллаах-соруктаах үлэ буолла.